Rohit Pawar on Pune Modern College : कॉलेज प्रशासनाने केवळ जातीय भेदभाव करून कागदपत्रांची पडताळणी केली नाही, असा आरोप प्रेम बिऱ्हाडेने केला होता.
‘मॉडर्न कॉलेजच्या प्राचार्य नियुक्ती प्रक्रियेत झालेल्या गैरप्रकाराची; तसेच प्रेम बिऱ्हाडे या विद्यार्थ्याला कागदपत्रांची पडताळणी करून दिलेल्या व्यक्तींची चौकशी करण्यासाठी सावित्रीबाई फुले पुणे विद्यापीठाने तातडीने चौकशी समिती नेमावी. प्राचार्य नियुक्तीत झालेल्या गैरप्रकारांबाबत पुणे विद्यापीठाचे कुलगुरु डॉ. सुरेश गोसावी यांच्याकडे सुमारे महिन्याभरापूर्वी तक्रार केली आहे. त्याच प्रमाणे कागदपत्रांची मागणी केली आहे. मात्र, कोणतीही कारवाई होत नाही. त्यामुळे विद्यापीठाने या दोन्ही प्रकरणांची चौकशी करण्यासाठी तातडीने चौकशी समिती नेमावी; अन्यथा राज्यपाल कार्यालयाकडे भरती प्रक्रियेशी संबंधित सर्वांविरोधात दाद मागण्यात येईल’ असे युवासेनेचे सहसचिव कल्पेश यादव यांनी सांगितले.
काय आहे प्रकरण?
प्रेम बिऱ्हाडे या विद्यार्थ्याने मॉडर्न कॉलेजमधून बीबीए अभ्यासक्रम पूर्ण केला. ब्रिटनमध्ये उच्च शिक्षणासाठी गेलेल्या प्रेमला विमानतळावर नोकरीची संधी चालून आली. ‘या नोकरीसाठी लागणाऱ्या आवश्यक कागदपत्रांची पडताळणी वेळेत पूर्ण करून न दिल्याने आपल्याला नोकरी गमवावी लागली. कॉलेज प्रशासनाने केवळ जातीय भेदभाव करून कागदपत्रांची पडताळणी केली नाही,’ असा आरोप प्रेमने केला होता.
प्रेमने व्हीडिओद्वारे संपूर्ण प्रकरण सांगितल्यानंतर या संपूर्ण प्रकरणाची चौकशी करून, प्रेमला न्याय मिळवून देण्याची मागणी वंचित बहुजन आघाडीने प्रमुख प्रकाश आंबेडकर यांनी केली. त्यानंतर आता रोहित पवारांनी मॉडर्न कॉलेजच्या प्रशासनावर टीका करून, प्राचार्य भरतीत अनियमितता झाल्याचा आरोप केला आहे.
Mission Yamini Priya, व्हॉट्सअपवर ग्रुप बनवला, विद्यार्थिनीच्या सेकंद-सेकंदाची अपडेट, रेल्वे ट्रॅकजवळ विघ्नेशने डाव साधला
रोहित पवार म्हणाले, ‘मॉडर्न महाविद्यालयाने वेळेत कागदपत्रांची पडताळणी करून दिली नाही, म्हणून विद्यार्थ्याची ब्रिटनमधील नोकरी जाणे योग्य नाही. काही दिवसांपूर्वी सरन्यायाधीश भूषण गवई यांच्यावर बूट फेकण्याचा प्रयत्न झाला. त्याच मानसिकतेतून प्रेम बिऱ्हाडे या युवकाला छळण्याचा प्रयत्न मॉडर्न कॉलेज प्रशासन करीत आहे का?’ असा सवाल त्यांनी विचारला.
जमीन प्रकरणाच्या आरोपांना उत्तर, धंगेकर म्हणाले मोहोळ यांची ED चौकशी करा
‘महाविद्यालयाचे कर्मचारी सहकार्य करणारे आहेत, यात शंका नाही. मात्र सर्व नियम-कायदे, ज्येष्ठताक्रम डावलून नव्यानेच प्राचार्य झालेल्या ‘मॅडम’ मनुवादी विचारांच्या आहेत, यात कुणाचेही दुमत नाही. महाविद्यालयाने विद्यार्थ्याला आवश्यक सहकार्य करून दिलगिरी व्यक्त करावी; तसेच भविष्यात अशा चुका होणार नाहीत, याची काळजी घ्यावी आणि हे मनुवादी राजकारण थांबवावे; अन्यथा कॉलेज प्रशासनाला हे परवडणार नाही,’ अशा इशारा पवार यांनी दिला आहे.Solapur Crime : जजसाहेब, पूजाला जामीन मिळाला तर समाजात… वकिलांचा जोरदार युक्तिवाद, गोविंद बर्गे मृत्यूप्रकरणी कोर्टाचा मोठा निर्णय
पोलिसांकडून व्हेरिफिकेशन रिपोर्ट आल्यानंतर, सबंधित कंपनीला माहिती पाठवण्यात येईल, असे कॉलेज प्रशासनाने स्पष्ट केले आहे, तर पोलिसांच्या रिपोर्टची गरज नसून, शैक्षणिक कागदपत्रांचे व्हेरिफिकेशन आवश्यक आहे, असे प्रेमने सांगितले. त्यामुळे अजूनही हे प्रकरण ‘जैसे-थे’ स्थितीत आहे.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा