संतोष कुसाळ (वय 45, राहणार गणेशनगर) असं झाडावरून पडून मृत्यू झालेल्या तरुणाचे नाव आहे. पुण्यातील राष्ट्रतेज तरुण मंडळाशी ते गेली अनेक वर्षे जोडलेले होते. प्रत्येक सण-उत्सवात ते अग्रस्थानी राहून काम करत असत. या वर्षीही त्यांनी दिवाळीच्या निमित्ताने मंडळाच्या सजावटीत व किल्ला उभारणीच्या कामात मोठा वाटा उचलला होता. दिवाळीच्या पार्श्वभूमीवर राष्ट्रतेज तरुण मंडळाने एक मोठा आकाशकंदील तयार केला होता.

Pune News : मुठा नदीच्या दोन्ही बाजूंना तयार होतोय सेवा रस्ता, महामार्गावरील कोंडी होणार कमी; कुठून-कसा असेल मार्ग?

रविवारी रात्री उशिरा मंडळाचा आकाशकंदील रस्त्यावर लावण्यासाठी संतोष झाडावर चढले होते. मात्र, काम करताना त्यांचा अचानक तोल गेला आणि ते खाली कोसळले. सहकाऱ्यांनी तत्काळ संतोष यांना जवळच्या रुग्णालयात दाखल केले, परंतु उपचारादरम्यान पहाटे त्यांनी अखेरचा श्वास घेतला.

संतोष यांच्या निधनाने त्यांच्या कुटुंबावर आणि मित्रपरिवारावर दुःखाचा डोंगर कोसळला आहे. ते विवाहित असून त्यांना पत्नी आणि दोन मुले आहेत. दिवाळीच्या प्रकाशात अचानक आलेल्या या काळोखाने वडगावशेरी परिसर स्तब्ध झाला आहे. नागरिकांनी दिवाळीचा आनंद काही काळ बाजूला ठेवत संतोष यांना श्रद्धांजली अर्पण केली.

दरम्यान, दिवाळीदरम्यान आकाशकंदील लावताना किंवा सजावट करताना योग्य ती काळजी घेण्याची गरज पुण्यातील या दुर्दैवी घटनेनं अधोरेखित झाली आहे.