संतोष काशिनाथ खाजेकर (वय 38 राहणार म्हाडा कॉलनी तालुका गंगापूर) असं खून झालेल्या व्यक्तीचं नाव आहे तर बळीराम कल्याण जगधने (राहणार रांजणगाव शेणपुंजी एमआयडीसी वाळूज हल्ली मुक्काम उस्मानपुरा) असे आरोपीचे नाव आहे. याप्रकरणी मिळालेल्या माहितीनुसार, बळीराम जगधने हा कुटुंबासह उस्मानपुरा भागात राहतो. दरम्यान, मयताच्या मुलांनी दिलेल्या फिर्यादीनुसार, मयत संतोष मेहुणा रात्री ड्युटीवर गेल्यानंतर त्याच्या घरी मुक्कामी गेले होते. सकाळी आरोपी मेहुणा बळीराम जगधने हा ड्युटी संपून घरी आला. तेव्हा भावोजी संतोष हे टेबल खाली लपले होते. बळीराम याला ते दिसले. यामुळे बळीराम जगधने हा चांगलाच संतापला. दोघांमध्ये झटापट झाली यावेळी रागाच्या भरात आरोपी बळीराम याने लोखंडी पकड डोक्यात मारून भावोजीचा खून केला. त्यानंतर आरोपीने पत्नीवरही हल्ला करून सायकल डोक्यात मारून ठार मारण्याचा प्रयत्न केल्याची माहिती आहे.
लिफ्टने टेरेसवर गेली अन् मग.. महिला स्टेनोने कोर्टातच आयुष्य संपवलं, सुन्न करणारी कहाणी
दरम्यान, घटनेची माहिती मिळताच आरोपीच्या पत्नीने मृताच्या मुलाला या घटनेची माहिती दिली. मुलगा मामाच्या घरी आल्यानंतर त्याला वडील रक्ताच्या थारोळ्यात पडलेले दिसून आले. त्याने त्यांना तात्काळ घाटी रुग्णालयात दाखल केले. मात्र, तिथे डॉक्टरांनी त्यांना तपासून मृत घोषित केले. घडलेल्या या प्रकरणी उस्मानपुरा पोलीस ठाण्यामध्ये गुन्हा दाखल करण्यात आला असून आरोपीला अटक करण्यात आली आहे. आरोपीला कोर्टात हजर केला असता न्यायालयाने 21 ऑक्टोबर पर्यंत पोलीस कोठडी सुनावली आहे.