आमचा डीएनए ओबीसी आहे असे म्हणणारे फडणवीस यांना लक्ष्य केले जात आहे. मात्र, ओबीसींचे हक्क हिरावले जात असतील, तर ओबीसी तुमच्यापासून कधी सरकेल हे सांगता येणार नाही,’ असा इशाराही भुजबळ यांनी सरकारला दिला. ते म्हणाले, ‘आरक्षण हा गरिबी हटाव कार्यक्रम नाही, हे ‘ओबीसी’तूनच आरक्षण मागणाऱ्यांनी समजून घ्यावे. मराठा समाजाला वेगळ्या आरक्षणासाठी आम्ही पाठिंबा दिला. देशपातळीवर त्यांच्यासाठी आर्थिकदृष्ट्या मागास प्रवर्ग (ईडब्ल्यूएस) आहे. सामाजिक आणि शैक्षणिकदृष्ट्या मागास वर्ग (एसईबीसी) आहे; पण काही जण म्हणत आहेत, की आम्हाला इतर मागासवर्गातूनच (ओबीसी) आरक्षण पाहिजे.
‘लाव रे तो व्हिडीओ’; विजय वडेट्टीवार यांचा व्हिडीओ दाखवत भुजबळांचा निशाणा
भुजबळ म्हणाले, की मराठा समाजाला एका दिवसात जात प्रमाणपत्र दिले जात आहे. एवढे गतिमान अधिकारी, कर्मचारी कधी आले? आम्हाला प्रमाणपत्र मिळण्यासाठी दहा-दहा महिने लागतात. तुम्हाला एका दिवसात कसे दिले? कुणी खाडाखोड करून प्रमाणपत्र मिळवत आहेत. हे नियमात नाही.

मराठा नेत्यांना इशारा
ज्याचा आरक्षणाचा अभ्यास नाही तो सांगतो आणि तुम्ही टाळ्या वाजवता. राजकीय फायद्यासाठी गप्प बसता. जर तुम्ही राजकीय फायद्यासाठी गप्प बसत असाल, तर तुमचे राजकीय नुकसान कसे करायचे हे मला माहिती आहे, असा इशाराही मंत्री भुजबळ यांनी मराठा नेत्यांना दिला. राज्यात भाजपला सत्तेत येण्यासाठी ओबीसींना भक्कम पाठिंबा दिला. त्या ‘ओबीसीं’च्या ताकदीवर तुमचे १२५ आमदार निवडून आले आहेत; पण जर साडेतीनशेहून अधिक जाती असलेल्या ओबीसींची फसगत होत असेल, तर ओबीसी आता दूधखुळे नाहीत.

ओबीसींच्या प्रश्नावर काँग्रेस नेते विजय वडेट्टीवार हे दुटप्पी भूमिका घेत आहेत. नागपूरच्या रॅलीनंतर ते कुठेही ओबीसींच्या मेळाव्याला आले नाहीत. त्यांच्यावर कुणाचा दबाव आहे, हे कळायला मार्ग नाही.
‘राधाकृष्ण विखे पाटील यांना सोडणार नाही’, छगन भुजबळ यांचा ओबीसींच्या एल्गार मेळाव्यात इशारा
आम्हालाही बोलता येते : धनंजय मुंडे
मराठा समाजातील गरिबातील गरिबाचा फायदा करायचा असेल, तर त्यांना ‘ईडब्ल्यूएस’शिवाय पर्याय नाही. कशाला त्या बिनडोक माणसाच्या नादाला लागताय? आपणच लई वाचाळ आहे असे त्याने समजायचे कारण नाही. आम्हालाही आमच्या भाषेत बोलता येते. मराठा आरक्षणाला आमचा विरोध नाही; पण त्यांना वेगळे आरक्षण द्या. आमच्या हक्काचे ओबीसीतले आरक्षण देणार असाल, तर त्याला आम्ही विरोध करू, असे धनंजय मुंडे म्हणाले.
‘काही सुतळी बॉम्ब घेऊन आलेत’, छगन भुजबळ यांना ओबीसी मेळाव्यात मोठी शंका
भुजबळ यांच्याविरोधात आम्हीही लढणार : जरांगे
वडीगोद्री मंत्री छगन भुजबळ वातावरण बिघडवत आहेत. त्यांच्या नादी लागू नका, असे आवाहन मराठा आरक्षण आंदोलक मनोज जरांगे पाटील यांनी शुक्रवारी केले. बीड येथील ओबीसी मेळाव्यानंतर जरांगे माध्यमांशी बोलत होते. ते म्हणाले, की ‘जीआर’ रद्द करण्यासाठी तुम्ही दहशत निर्माण करीत असाल, तर मराठ्यांनासुद्धा एकत्र येऊन तोडीस तोड उत्तर द्यावे लागेल. बीड जिल्ह्यावर दहशत निर्माण करण्यासाठी; तसेच राजकीय अस्तित्व टिकवण्यासाठी त्यांची लढाई सुरू आहे. यात विशिष्ट जातीचे लोक जमवले गेले आहेत. आम्ही भुजबळ यांच्याविरोधात रस्त्यांवर आणि न्यायालयातही लढाई करू.