पोलिसांनी दिलेल्या माहितीनुसार मुलगी ही पालघर जिल्ह्यातील एका आदिवासी परिवारातील आहे. या वर्षी सप्टेंबरमध्ये मुलीच्या आजोबांनी अहिल्यानगरमध्ये राहणाऱ्या एका व्यक्तीसोबत तिचं लग्न लावून दिलं होतं. या नंतर मुलीवर त्या पुरूषाकडून वारंवार लैंगिक छळ केला गेला होता. त्याचबरोबर, मुलाच्या आई-वडिलांकडूनही तिच्यावर मानसिक छळ केला गेला.

सकाळी खोलीत गेले आणि समोर दिसलं ते पाहून… अल्पवयीन मुलीशी अफेअर, जोडप्याच्या प्रेमाचा भयानक शेवट
पोलिस आधिकाऱ्यांनी सांगितले की, “आम्ही अल्पवयीन मुलीचे जबरदस्तीने लग्न करणे, तस्करी करणे आणि वारंवार लैंगिक अत्याचार केल्याबद्दल पतीसह पाच जणांविरुद्ध गुन्हा दाखल केला आहे. या प्रकरणात अनेक जणांचा समावेश आहे आणि या गंभीर गुन्ह्यात सहभागी असलेल्या सर्वांवर त्वरित कारवाई व्हावी यासाठी आम्ही तपास सुरू ठेवत आहोत.”

14 वर्षीय मुलीचे 85,000 रुपयांसाठी लग्न
दरम्यान, 7 ऑक्टोबर ला पालघर मधल्याच एका 14 वर्षीय मुलीने जबरदस्तीने लग्न लावून दिल्याची तक्रार नोंदवली होती. ही मुलगीही आदिवासी परिवारातील असून तिच्या तक्रारीनुसार, तिच्यावर लैंगिक अत्याचार करून तिला गर्भपात करण्यास भाग पाडले होते. हा परिवार जळगाव मध्ये राहणारा असून, तिचं लग्न या वर्षी एप्रिल मध्ये लावून दिलं होतं. मुलीच्या परिवाराला या लग्नाच्या बदल्यात 85,000 रोख देण्यात आली होती.पीडितेने आरोप केला होता की त्या पुरूषाने तिच्यावर वारंवार बलात्कार केला ज्यामुळे ती गर्भवती राहिली. नंतर, त्या पुरूषाच्या आईने तिला काही गोळ्या दिल्या ज्यामुळे तिचा गर्भपात झाला होता, असे अधिकाऱ्याने सांगितले.

त्या पुरूषाने आणि त्याच्या कुटुंबाने तिचे दागिने आणि इतर मौल्यवान वस्तू हिसकावून घेतल्याचा आरोप पीडितेने केला होता आणि ती नंतर जवाहर येथील तिच्या पालकांच्या घरी परतली.घरी परतल्यानंतर तिने तातडीने जवाहार पोलिस ठाण्यात तक्रार नोंदवली.