मिळालेल्या माहितीनुसार, महाड शहराजवळील नगर परिसरात राहणाऱ्या विवाहित महिलेशी मकरंद सूर्यकांत चव्हाण (वय 38, मूळ राहणार तेलंगे, ता. महाड) याची सोशल मीडियावरून ओळख झाली होती. काही दिवसांनंतर या ओळखीचं रुपांतर चव्हाणच्या त्रासदायक वागणुकीत झालं. त्याने महिलेशी वारंवार संपर्क साधून तिला धमकावणे, फोनवरून त्रास देणे सुरू केले.

यानंतर परिस्थिती गंभीर बनली. आरोपी चव्हाण पीडितेच्या घरी पोहोचला आणि तिच्या पती व मुलांना मारहाण केली. एवढंच नाही, तर फोटो व्हायरल करण्याची व जीवे मारण्याची धमकी देत त्या महिलेस जबरदस्ती अत्याचार करण्याचा प्रयत्न केला.
विरोधकांच्या ‘काळी दिवाळी’वर एकनाथ शिंदेंचं दरेगावातून जोरदार उत्तर, बाळासाहेब ठाकरे मोफत दवाखान्याचा उल्लेख करत म्हणाले…
या घटनेने संतप्त झालेल्या महिलेने तातडीने महाड शहर पोलिस ठाण्यात तक्रार दाखल केली. पोलिसांनी विलंब न लावता कारवाई करत आरोपीला अटक केली आहे. त्याच्याविरुद्ध भारतीय दंड संहिता कलम 354(1), 354(2), 506, 352, आणि 376(1) अंतर्गत गंभीर गुन्हा नोंदवण्यात आला आहे.

पोलिसांच्या या जलद कारवाईमुळे परिसरात समाधान व्यक्त होत असून, सोशल मीडियावरील ओळखीचे वाढते धोके पुन्हा एकदा अधोरेखित झाले आहेत. नागरिकांनी अनोळखी व्यक्तींशी सोशल मीडियावर संवाद साधताना सतर्क राहावे, असा इशारा पोलिसांकडून देण्यात आला आहे.

रत्नागिरी: कोकरे महाराजावर लैंगिक अत्याचाराचा दुसरा गुन्हा दाखल

रत्नागिरीतील लोटे गुरुकुल प्रकरणात नवा प्रकार उघडकीस आला आहे. आरोपी भगवान महाराज कोकरे याच्यावर याआधी एक विनयभंग व पोस्को चा गुन्हा दाखल आहे. त्याच्यावर आता दुसरा विनयभंगाचा गुन्हा दाखल झाला आहे, याघटनेने मोठी खळबळ उडाली आहे. आधीच्या गुन्ह्यात दोन दिवसांची पोलीस कोठडी मिळाली असताना दुसऱ्या मुलीवर लैंगिक अत्याचाराची तक्रार आल्याने कोकरे महाराजाच्या विरोधात खेडमध्ये विनयभंगाचा गुन्हा दाखल करण्यात आला आहे.