मिळालेल्या माहितीनुसार, वाशीम जिल्ह्यातील मंगरुळपीर तालुक्यातील वरूड (बु) येथे राहणारे रवींद्र गावंडे हे भाजीपाला विक्रीचा व्यवसाय करून कुटुंबाचा उदरनिर्वाह करतात. गेल्या अनेक दिवसांपासून त्यांची मुलगी देवांशी पोटदुखी, ताप, मळमळ होणे आदींमुळे सतत आजारी पडत होती. पालकांनी सुरूवातीला मंहरूळपीर आणि अकोला येथे तिच्यावर उपचार केले. परंतू तिच्या प्रकृतीत सुधारणा होत नसल्यानं अखेर तिला नागपूर येथे हलविण्यात आले. त्याठिकाणी वैद्यकीय तपासणी केल्यानंतर, तज्ज्ञ डॉक्टरांनी तिचं यकृत गंभीर स्वरूपात बाधित झाल्याचं निदान केलं. तसेच यकृत प्रत्यारोपण शस्त्रक्रिया गरजेचं असल्याचं सांगितलं.

फेसबुकवर महिलेशी केली ओळख, नंतर घरी जाऊन अत्याचार; पोलिसांनी नराधमाच्या मुस्क्या आवळल्या!

शस्त्रक्रियेसाठी सुमारे 20 लाख रुपये खर्चाचा अंदाज त्यांनी वर्तविला होता. दरम्यान, देवांशीच्या वडिलांना मित्रांकडून मुख्यमंत्री वैद्यकीय सहाय्यता निधीबाबत माहिती मिळाली. त्यानंतर रवींद्र गावंडे यांनी तात्काळ कक्षाशी संपर्क साधला, तसेच सोशल मीडियावर मदतीकरिता आवाहन केलं. कक्षाच्या पुढाकाराने देवांशीवर पुढील उपचार मुंबईतील वाडिया हॉस्पिटलमध्ये सुरू झाले. या उपचारासाठी मुख्यमंत्री वैद्यकीय सहाय्यता निधी कक्ष, टाटा ट्रस्टच्या माध्यमातून उपचाराची मोठी रक्कम उभी राहिली. उर्वरीत रक्कम इतर काही सामाजिक संस्था आणि गावकऱ्यांच्या वर्गणीतून गोळा करण्यात आली. पुढे, देवांशीची आई मीनाक्षी गावंडे यांनी यकृताचा भाग दिला. त्यातून तिच्यावर 7 जुलै 2025 रोजी यकृत प्रत्यारोपणाची यशस्वी शस्त्रक्रियापार पडली.

‘देवांशीची प्रकृती आता स्थिर असून तिच्या प्रकृतीत दिवसेंदिवस सुधारणा होत आहे. आता तिला डिस्चार्ज मिळाला आहे. मुख्यमंत्री वैद्यकीय सहाय्यता निधी कक्ष आणि टाटा ट्रस्टच्या मदतीमुळेच आमच्या मुलीचे प्राण वाचले’, असं रविंद्र गावंडे यांनी म्हटलं आहे.

एकनाथ शिंदेंच्या बालेकिल्ल्यात मोठ्या घडामोडी, गणेश नाईक आणि रवींद्र चव्हाण यांच्यात खल, भाजपचं काय ठरतंय?

दरम्यान, ‘मुख्यमंत्री देवेंद्र फडणवीस यांच्या निर्देशानुसार प्रत्येक गरजू, गरीब रुग्णांना वेळेवर उपचार मिळावेत यासाठी कक्षाच्या माध्यमातून आम्ही प्रयत्न करत आहोत. देवांशी त्याचं एक उदाहरण आहे. आम्ही वेळेवर मदत करू शकलो याचा आम्हाला आनंद आणि समाधान आहे’, असं मुख्यमंत्री वैद्यकीय सहाय्यता निधी कक्षप्रमुख रामेश्वर नाईक यांनी म्हटलं आहे.