त्यामुळे त्यांच्या या विधानानंतर म्हणा किंवा त्यांच्या आवाहनाला प्रतिसाद देत म्हणा, अहिल्यानगर शहराच्या कापड बाजारात काल काही हिंदुत्ववादी कार्यकर्त्यांनी हिंदूंना हिंदूंची दुकानें ओळखता यावी यासाठी दुकानावर भगवे ध्वज लावले गेले आहेत. मात्र लावण्यात आलेल्या या भगव्या ध्वजांनंतर आता अजित पवारांच्या राष्ट्रवादी काँग्रेसच्या दोन आमदारांमध्ये चांगलीच जुपंली आहे.
Nanded News : अर्ध आयुष्य भाड्याच्या खोलीत, दिवाळीच्या मुर्हूतावर नवीन घरात प्रवेश, त्याआधी आईसोबत अनर्थ; चारही लेकींचं मातृत्व हरपलं
खरंतर नगर शहराच्या कालच्या प्रकरणानंतर आमदार अमोल मिटकरी यांनी एक्स पोस्ट लिहित, मुंबईतील क्रॉफर्ड मार्केटमध्ये मुस्लिम दुकानदारांकडून दिवाळीचे फटाके खरेदी करणाऱ्या नागरिकांचा व्हिडिओ पोस्ट केला आहे. ‘आमदार साहेबांचं जास्त मनावर न घेता हिंदू बांधवांनी केली तुफान गर्दी’, अशा शब्दांत एक्स पोस्ट करून आमदार संग्राम जगताप यांचं नाव न घेता मिटकरी यांनी जगतापांना डिवचलं आहे.

अमोल मिटकरींनी ट्विट करत काय म्हटलंय?

“मुंबई क्रॉपर्ड मार्केट येथे मुस्लिम दुकानदारांकडून दिवाळीचे फटाके खरेदी करण्यासाठी आमदार साहेबांचे जास्त मनावर न घेता हिंदु बांधावांनी केलेली तुफान गर्दी. दोन किलोमीटर पर्यंत रांगच रांग… ऐसा क्यू करते हो भाई?” असं ट्वीट केलं आहे. याबरोबर त्यांनी एक व्हिडिओही पोस्ट केला आहे.

दरम्यान, अजित पवारांच्या पुरोगामी विचारांच्या राष्ट्रवादी काँग्रेस पक्षामध्ये फुले, शाहू, आंबेडकरांच्या विचारांना महत्व देण्याऐवजी आमदार संग्राम जगताप हिंदुत्वाचा पुरस्कार करताना दिसून आल्याने आता जगतापांना त्यांच्याचं पक्षातून डीवचण्यात आले आहे.

त्यामुळे आता दादांच्या पक्षातील अंतर्गत मतभेद चव्हाट्यावर आल्याची चर्चा राजकीय वर्तुळात रंगते आहे. आमदार जगताप यांच्या हिंदुत्ववादी भूमिके नंतर राज्यातील राजकीय वातावरण आधीच तापलेलं आहे. अस असताना आता राष्ट्रवादी (अजित पवार) गटाच्या दोन आमदारांत जुंपल्याने पक्षाचे प्रमुख म्हणून अजित पवार यावर आता काय भूमिका घेणार? तसेच कोणावर काही कारवाई केली जाणार का? हे पाहणे महत्वाचे ठरणार आहे.