Pune News : सामाजिक कार्यकर्त्या डॉ. अश्विनी जाधव यांच्या आठवणीत त्यांच्या अनेक मैत्रिणींनी आपल्या भावना समाज माध्यमांवरुन व्यक्त केल्या आहेत
वंदना चव्हाण यांची फेसबुक पोस्ट
माझी प्रिय अश्विनी… तू गेलीस यावर विश्वास बसत नाहीये… माझं मन मानायला तयार नाहीये… मला होणारे दुःख व्यक्त करण्यासाठी शब्द नाहीत… प्रिय मैत्रिणी, हे तुझ्यासोबत कसे घडू शकते ? अशा आशयाची पोस्ट खासदार वंदना चव्हाण यांनी फेसबुकवर लिहिली आहे.
अश्विनी कदम आठवणींनी व्याकूळ
दरम्यान, पुणे महापालिकेच्या माजी नगरसेविका आणि सामाजिक कार्यकर्त्या अश्विनी नितीन कदम यांनीही मैत्रिणीच्या आठवणीत भावना समाज माध्यमांवरुन व्यक्त केल्या आहेत. त्यांनी फेसबुक पोस्ट लिहिताना म्हटलं आहे, की “भावपूर्ण श्रद्धांजली.. अतिशय दुःखद बातमी… मन हेलावून टाकणारी घटना… माझी जिवलग मैत्रीण, सहकार्यशील आणि समाजासाठी झटणारी डॉ. आश्विनी ताई जाधव आता आपल्या मध्ये नाहीत, हे शब्द उच्चारतानाच मन सुन्न होतंय…”
Virar Crime : अश्लील फोटोवरुन ब्लॅकमेल, विरारच्या 19 वर्षीय मुलीने आयुष्य संपवलं, बॉयफ्रेण्डला अटक; बाबा म्हणाले अमितने…
समाजाभिमुख व्यक्तिमत्व हरपल्याची भावना
अश्विनी कदम पुढे म्हणतात, की “डॉ अश्विनी ताई जाधव यांच्या अकस्मात जाण्याने एक प्रामाणिक, कष्टाळू आणि समाजाभिमुख व्यक्तिमत्व हरपलं आहे. त्यांचं कार्य, त्यांची ऊर्जा आणि लोकांमध्ये बदल घडवण्याची जिद्द नेहमी प्रेरणादायी राहील. पर्वती विधानसभा मतदारसंघाच्या वतीने व वैयक्तिकरित्या माझ्या मनःपूर्वक श्रद्धांजली. परमेश्वर त्यांच्या आत्म्यास शांती देवो आणि कुटुंबियांना या दुःखातून सावरण्याची शक्ती देवो.” अशा भावना माजी नगरसेविका अश्विनी नितीन कदम यांनी व्यक्त केल्या आहेत.
Pune Crime : तुमच्या मुलीला माझ्या बाबांकडे पाठवू नका; सात वर्षीय मुलीशी अश्लील चाळे, पुण्यात चिमुरड्या मैत्रिणीमुळेच नराधमाचा पर्दाफाश

