नालासोपारा पश्चिम येथे नाळे गावातील बेणापट्टी गावात ही घटना घडली. बुधवारी (15 ऑक्टोबर) सकाळी 7 च्या सुमारास, मृत मुलीचे घरचे तिच्या खोलीत गेले असता त्यांना हे भयानक दृश्य दिसले. दोघांनाही तातडीने जवळच्या खासगी रुग्णालयात दाखल करण्यात आलं, परंतु तिथे पोहचताच डॉक्टरांनी त्यांना मृत घोषित केलं. या घटनेची माहिती नालासोपारा पोलिसांना देण्यात आली असून, प्राथमिक तपासात दोघांनी विष प्राशन केल्याचे स्पष्ट झाले आहे. मात्र मृत्यूचं कारण अद्याप समोर आलं नाही असून तपास सुरू आहे. पोलिसांनी घटनास्थळाचा पंचनामा करून मृतदेह पोस्टमार्टमसाठी पाठवले आहेत. मृत मुलगी केवळ 17 वर्षांची असून, तरुणाचं वय 20 वर्ष होतं. तो अरनाळा येथील सहजीवन परिसरात राहत होता, तर मुलगी नाळा बेणापट्टीमधील होती. दोघांमध्ये प्रेमसंबंध होते, असं समजतं.

Virar Crime : अश्लील फोटोवरुन ब्लॅकमेल, विरारच्या 19 वर्षीय मुलीने आयुष्य संपवलं, बॉयफ्रेण्डला अटक; बाबा म्हणाले अमितने…

“कोणतीही सुसाईड नोट सापडलेली नाही. आम्ही त्यांच्या नात्याला कुटुंबाचा विरोध होता का किंवा इतर वैयक्तिक कारणं होती का, या सर्व बाजूंनी तपास करत आहोत,” असं नालासोपारा पोलिस स्टेशनचे वरिष्ठ निरीक्षक विशाल वळवी यांनी सांगितलं. “अहवाल मिळेपर्यंत कोणताही निष्कर्ष काढणं अजून लवकर आहे,” असंही त्यांनी स्पष्ट केलं.

खाजगी फोटोंवरून ब्लॅकमेल करणे, सोशल मीडियावर लाज वाटविणे आणि नातेसंबंधांना नकार देणाऱ्या कुटुंबांकडून दबाव अशा घटनांमध्ये वाढ होत असल्याचं पोलिसांचं निरीक्षण आहे.

या घटनेमागचं कारण अद्याप स्पष्ट नसतानाच, मंगळवारीच विरारमध्येही एका बी.कॉम फायनल इयरच्या विद्यार्थिनीने इमारतीवरून उडी मारून आपलं आयुष्य संपवल्याची घटनाही घडली असल्याचे समजले आहे. तिचा एक्स-बॉयफ्रेंड तिला अश्लील फोटोवरून धमक्या देत असल्याने तिने हे टोकाचं पाऊल उचललं. विरार पोलिसांनी या 21 वर्षीय तरुणाला अटक केली आहे.