साक्षीदार मनजीत ढिल्लन यांनी इंस्टाग्रामवर संपूर्ण घटनेचा व्हिडिओ शेअर करत लिहिले, “त्या क्षणी, जणू काही देवानेच या भावाला तिथे पाठवले आहे असे वाटले.” या महिलेचं बाळ अर्धे बाहेर आलं होतं आणि अर्ध आत होते. या कठीण क्षणी, त्या पुरूषाने विचार न करता ट्रेन थांबवली आणि महिलेला मदत करण्यासाठी धाव घेतली. त्याच्या चेहऱ्यावर भीती स्पष्ट दिसत होती, परंतु त्याच्या मनात फक्त तिचा जीव वाचवण्याची इच्छा होती.

त्या महिलेची प्रसुती केलेली व्यक्ती या व्हिडिओमध्ये म्हणत असल्याचं ऐकू येते की, “मी माझ्या आयुष्यात पहिल्यांदाच हे केले आहे. मी खूप घाबरलो होतो, पण मॅडमने व्हिडिओ कॉलद्वारे मला मदत केली.”

जेव्हा ही घटना लक्षात आली तेव्हा घटनास्थळी असलेल्या लोकांनी अनेक डॉक्टरांना फोन केला. परंतु, रुग्णवाहिका पोहोचण्यास वेळ लागला. एका महिला डॉक्टरने व्हिडिओ कॉलद्वारे संपूर्ण प्रक्रिया समजावून सांगितली आणि त्या पुरूषाने तिच्या सूचनेनुसार महिलेची प्रसुती केली आणि एका गोंडस बाळाचा जन्म झाला.

उपस्थितांनी दिलेल्या माहितीनुसार, महिलेला सुरुवातीला रुग्णालयात नेण्यात आले. पण, रुग्णालयाने त्यांना परत पाठवले. कुटुंब तिला ट्रेनने परत आणत होते. तेवढ्यात या महिलेला प्रसुती वेदना सुरु झाल्या. जर हा धाडसी पुरुष नसता तर आई आणि बाळ दोघेही कदाचित वाचू शकले नसते.
पतीला संपव, नाहीतर मी विष घेईल… 12 वर्षांनी लहान बॉयफ्रेंडकडे हट्ट, पत्नीचा हादरवणारा कारनामा
मनजीत यांनी पुढे लिहिलं की, “या माणसाने त्या रात्री दोन जीव वाचवले. त्याने आई आणि बाळ दोघांचीही सुरक्षित प्रसूती सुनिश्चित केली आणि आम्ही सर्वांनी मिळून त्यांना रुग्णालयात पोहोचवण्याचं काम केले.”

हा व्हिडिओ अत्यंत भावनिक आहे. यामध्ये उपस्थितांच्या डोळ्यात तरळणारे पाणी दिसत आहे. त्यांना विश्वासच बसत नव्हता की एक अनोळखी व्यक्ती अशी हिंमत दाखवू शकते.
Raigad News: बहिणीला बॉयफ्रेंडसोबत कारमध्ये पाहिलं, भावाला राग अनावर, हॉकी स्टिक काढली अन्… अलिबाग बीचवर खळबळ
व्हिडिओ सोशल मीडियावर व्हायरल होताच, कमेंट्सचा वर्षाव झाला. एका वापरकर्त्याने लिहिलं की, “आजकाल असे लोक दुर्मिळ मिळत नाहीत.” दुसऱ्याने लिहिले, “हा माणूस खरोखरच युनिफॉर्म नसलेला हिरो आहे.” तिसऱ्याने म्हटले, “खरा हिरो तोच आहे ज्याने कोणत्याही स्वार्थी हेतू शिवाय दोन जीव वाचवले.”