प्रेमसंबंधांमध्ये आलेला संशय जीवघेणा ठरला. अलिबागजवळील कनकेश्वर मंदिर परिसरात शुक्रवारी सायंकाळी एक धक्कादायक घटना घडली. सुरज शशिकांत बुरांडे, (वय-२८ वर्षे, रा. वरसोलपाडा थेरॉडा बाजारपेठ, ता.अलिबाग, जि. रायगड) या युवकाने आपल्या प्रेयसी संचिता विनायक सलामत (वय २१ वर्षे रा. थेरॉडा बाजारपेठ ता.अलिबाग जि.रायगड ) लोखंडी हातोड्याने घाव घालून तिला ठार मारण्याचा प्रयत्न केला.
दिवाळी गोड होणार! लाडकी बहीण योजनेचे पैसे लवकरच खात्यात जमा, पण… आदिती तटकरेंची महत्त्वाची माहिती
प्रेयसी दुसऱ्या तरुणाशी बोलत असल्याचा संशय त्याच्या मनात आला आणि क्षणात त्याचा राग अनावर झाला. दोघे मंदिराच्या पायऱ्यांजवळ वडाच्या झाडाखाली बसले असताना सुरजने अचानक बॅगेतून लोखंडी हातोडा काढून डोक्यावर आणि कपाळावर जबरदस्त घाव घातले.

हल्ल्यानंतर तो थांबला नाही. प्रेयसीला जवळच असलेल्या तारेच्या जाळीत ओढून नेऊन दगडाने मारहाण केली. ती रक्तबंबाळ अवस्थेत जमिनीवर पडली असतानाही आरोपीने तिला सुमारे तीन तास तिथेच बसवून ठेवले. या संपूर्ण घटनेनंतर तिला कोणतीही वैद्यकीय मदत दिली गेली नाही. या प्रकरणी अलिबाग पोलीस ठाण्यात .र.नं.१८४/२०२५भारतीय न्याय दंड संहिता२०२३चे कलम १०९(१),१२७(२),११८(१),११८(२), ३५१(२), ३५१(३),प्रमाणे गुन्हा दाखल केला असून अधिक तपास पोलिस निरीक्षक किशोर साळे यांच्या मार्गदर्शनाखाली सहाय्यक पोलीस निरीक्षक भारत फार्ने करीत आहेत.
Raigad Crime : तुझं लफडं घरी सांगू का? कोकणात 12 वर्षांच्या मुलाला प्रेमाच्या जाळ्यात अडकवलं, 20 वर्षांच्या तरुणाने अखेर…
सुरज बुरांडेविरोधात हत्या प्रयत्नाचा गुन्हा (IPC 307) दाखल करण्यात आला आहे. पीडित तरुणीची प्रकृती गंभीर असून, तिला रुग्णालयात दाखल करण्यात आले आहे. तसेच आरोपीस ताब्यात घेण्यात आले आहे. मानसोपचार तज्ज्ञांच्या मते, संशय आणि रागावर नियंत्रण नसणे हे अशा प्रकारच्या हिंसक कृत्यांचे मुख्य कारण आहे. यामुळे नातेसंबंधांमध्ये समुपदेशन आणि संवाद अत्यंत आवश्यक आहे.