अल्लमखाने दांम्पत्य हे मूळ लातूर जिल्ह्यातील उदगीर येथील रहिवासी आहेत. त्यांना दोन मुली आणि दोन मूल आहेत. ७० वर्षापूर्वी कुटुंबासह नांदेडला वास्तव्यास आले. यावेळी वाटणी दरम्यान आलेले दोन म्हशी होत्या. संसाराचा गाडा चालवण्यासाठी त्यांनी दुग्ध व्यवसाय सुरु केला. चंद्रकलाबाई यांनी गल्लोगल्ली फिरून दूध दही विक्री करत होत्या, तर प्रभू अप्पा हे सायकल वर फिरून कडबा विक्री करायचे. हळू हळू त्यांचा हा व्यवसाय वाढू लागला आणि छोटस झाडं मोठ्या वटवृक्षात रूपांतर झाले. आज घडीला या दाम्पत्याने मेहनत, चिकाटी आणि प्रामाणिकपणाच्या जोरावर दुग्ध व्यवसायात उल्लेखनीय यश संपादन केले आहे.
Nanded News : मुलींना शिकवण्याची गरज काय? गावकऱ्यांचे टोमणे, दोन्ही बहि‍णींनी आई-बापाच्या कष्टाचं सोनं केलं; साक्षी-दिव्या MBBSसाठी पात्र
तब्बल सात दशकांपूर्वी या दाम्पत्याने केवळ दोन म्हशींनी दूध विक्रीचा व्यवसाय सुरू केला होता. आज त्यांच्याकडे सुमारे ६० म्हशी असून, त्या नुरा, जाफर, पंढरपूरी आणि सोलापुरी या नामांकित जातींच्या आहेत. अर्धापूर तालुक्यातील लहान या गावात ९ एकर शेती विकत घेत दुग्धशेतीसाठी आधुनिक शेड उभारले आहे. या शेडचा आकार ६६ बाय ११० फूट असून, म्हशींना स्वच्छता, पाणी आणि चाऱ्याची उत्तम सोय केली आहे. या जागेतच त्यांनी चाऱ्याची लागवड करून म्हशींसाठी आवश्यक खाद्य स्वतः तयार करण्याची व्यवस्था देखील केली आहे. चंद्रकलाबाई आणि प्रभू अप्पा हे दोघे दररोज शेड मध्ये जाऊन म्हशीना चारा पाणी देण्याचं काम करत असतात. त्यांची मुलं आणि नातवंड देखील त्यांना मदत करीत असतात. या व्यवसायातून अल्लमखाने कुटुंबाला दररोज सुमारे ८० हजार ते एक लाख रुपये इतके उत्पन्न मिळते. महिन्याचे उत्पन्न २५ ते ३० लाख रुपये, तर वार्षिक उत्पन्न तीन कोटी रुपया पेक्षा अधिक पर्यंत पोहचले आहे.
Nanded News: वर्षभरापूर्वी पळून गेले, मग गावी आले अन् शेतात विवाहित प्रेमीयुगुलाने आयुष्य संपवलं, कारण काय?

दररोज ८०० लिटर दुधाचे उत्पादन

सध्या त्यांच्या प्रभू फार्म हाऊस मध्ये छोट्या मोठया ६० म्हशी आहेत. दररोज ७०० ते ८०० लिटर दूध उत्पादन होते. हे दूध फक्त विक्रीपुरते न ठेवता, त्यांनी त्यावर मूल्यवर्धन करत पनीर आणि खवा तयार करून बाजारात विक्री सुरू केली आहे. घरीच कारखाना उभारून पनीर, दूध खव्वा यासह पदार्थ तयार करून विक्री करीत असतात. या उत्पादनांची दररोजची विक्री सुमारे दीड ते दोन क्विंटलपर्यंत होते. अल्लमखाने दांपत्याने आधुनिक पद्धतीने दुग्धव्यवसाय कसा करावा याचे उत्तम उदाहरण सादर केले आहे. त्यांनी केवळ मेहनत आणि नियोजनाच्या जोरावर आपल्या छोट्या व्यवसायाला आज मोठ्या फार्ममध्ये रूपांतरित केले आहे. त्यांच्या या यशोगाथाचे सर्वस्तरातून कौतुक होत आहे.