किमान आधारभूत किंमत खरेदी योजनेंतर्गत भरडधान्य खरेदी करण्याच्या केंद्र सरकारच्या सूचना आल्या आहेत. त्यानुसार, २०२४-२५ या वर्षात ज्वारीचे अतिरिक्त उत्पादन होऊन मोठ्या प्रमाणात ज्वारीची खरेदी सरकारने केली आहे. त्यानुसार प्रत्येक जिल्ह्यांमध्ये रेशन दुकानातून ज्वारीचे प्रत्येकी एक किलोचे वाटप करण्याची सूचना अन्न व नागरी पुरवठा विभागाने जिल्हा पुरवठा विभागाला केली होती.
पुणेकरांसाठी गुड न्यूज! PMPच्या ताफ्यात दाखल होणार 25 डबल डेकर बस, कोणत्या मार्गांवर धावणार?
त्यानुसार, प्रत्येक जिल्ह्यातील अंत्योदय आणि प्राधान्य कुटुंब योजनेच्या लाभार्थ्यांना त्याचे वितरण करण्यात येणार आहे. त्यानुसार संबंधित जिल्हा पुरवठा अधिकाऱ्यांना त्याबाबत कार्यवाही करण्याच्या सूचना दिल्या आहेत. दोन महिन्यासाठी ज्वारीची उचल करण्याची कार्यवाही कऱण्याच्या सूचनाही जिल्हा पुरवठा विभागाला देण्यात आल्या आहेत.
Train Cancelled: रेल्वेप्रवाशांसाठी मोठी बातमी! दोन दिवस मुंबई, पुण्यातून सुटणाऱ्या ‘या’ एक्स्प्रेस रद्द, यादी पाहा
राज्यातील पुणे शहर, जिल्हा, तसेच सातारा, सांगली, नांदेड, परभणी, बीड, धाराशिव,अहिल्यानगर, लातूर, सोलापूर शहर आणि जिल्हा या बारा जिल्ह्यासाठी २२ हजार ७६६ टन इतकी ज्वारी लागणार आहे. तसेच हिंगोली, वर्धा, नागपूर जिल्ह्याासाठी ४०१३ हेक्टर इतकी ज्वारी लागणार आहे.या जिल्ह्यांसाठी अकोला येथून तर अन्य १२ जिल्ह्यांसाठी बुलढाणा येथून धान्य उचलण्याची कार्यवाहीचे आदेश देण्यात आले आहेत.

पुणे शहरासाठी १३७४ टन तर जिल्ह्यासाठी २८४४ असे ४२१८ टन इतके ज्वारीचे धान्य लागणार आहे.रेशन धान्य दुकानातून अंत्योदय आणि प्राधान्य योजनेंतर्गत आतापर्यंत गहू आणि तांदूळ मोफत दिले जात होते. आता नोव्हेंबरपासून गहू आणि ज्वारीसाठी प्रत्येकी एक किलोचे वाटप केले जाणार आहे.