मिळालेल्या माहितीनुसार, घुरुडी डोंगराच्या पायथ्याशी असलेल्या शेतात भीमराज तोडमल हे गुरुवारी सकाळी कांद्याला पाणी देण्यासाठी गेले होते. पिकाला पाणी देत असताना विजेच्या तारेला हात लागल्याने त्यांना जोराचा विजेचा धक्का बसला आणि ते बेशुद्धावस्थेत जमिनीवर कोसळले. दुपारच्या सुमारास मुलगा रविराज जेवण घेऊन शेतात पोहोचला असता, वडील बेशुद्ध अवस्थेत पडलेले दिसले. तातडीने रुग्णवाहिका बोलावून त्यांना जिल्हा शासकीय रुग्णालयात नेण्यात आलं. मात्र, उपचार सुरू होण्याआधीच डॉक्टरांनी त्यांना मृत घोषित केलं. या घटनेची माहिती मिळताच एमआयडीसी पोलिसांनी घटनास्थळी धाव घेतली आणि आकस्मिक मृत्यूची नोंद केली आहे. पुढील तपास पो.हे.कॉ. शिंदे हे करीत आहेत.

Kolhapur Crime : आंतरजातीय प्रेमामुळे गर्लफ्रेंडच्या घरच्यांचा मानसिक त्रास, छळाला कंटाळून बॉयफ्रेंडचं टोकाचं पाऊल

नर्तिकांसोबत अश्लील वर्तनाने खळबळ

मागील काही आठवड्यांपासून राज्यातील कलाकेंद्र विविध घटनांमुळे चर्चेत आहेत. पुणे जिल्ह्यातील चौफुला येथे काही दिवसांपूर्वी गोळीबाराची घटना घडल्यानंतर आताजामखेड मोहो येथे रेणुका कलाकेंद्रात थरकाप उडवणारी घटना घडली आहे. चार जणांच्या टोळक्याने हातात कोयते घेऊन थेट स्टेजवर जात नर्तिकांवर हल्ला चढवला. तसंच थिएटर मालकाकडे दरमहा एक लाख रुपयांची खंडणी मागत त्यांनी थिएटरमधील साहित्य आणि नृत्यांगणांची दुचाकी फोडली. यावेळी महिलांची छेडछाड करून अश्लील वर्तन केल्याचा आरोपही करण्यात आला आहे.

Pune Crime : पुण्यात 46 वर्षीय क्लास चालकाचं विद्यार्थिनीशी अश्लील वर्तन, मोठी झालीस की माझ्या शाळेत नोकरी देतो आणि…

मिळालेल्या माहितीनुसार, 5 ऑक्टोबर रोजी सायंकाळी साडेआठच्या सुमारास शुभम लोखंडे, सतीश टकले, नागेश रेडेकर (रा. आष्टी, जि. बीड) व अक्षय मोरे उर्फ चिंग्या (रा. जामखेड) हे चौघे जण कोयते घेऊन थिएटरमध्ये आले. त्यांनी थिएटर मालक अनिल पवार आणि त्यांचे पुत्र परशु व मोहित यांना खंडणी देण्याचा दबाव टाकत धमकावले. हल्ल्यात खुर्च्या, टेबल, आणि नृत्यांगनेची स्कूटी फोडण्यात आली, तर हस्तक्षेप करणाऱ्या ज्योती जाधव यांच्यावरही हल्ला झाला. शुभम लोखंडे याने त्यांचा ब्लाऊज फाडून धक्का दिल्याचा गंभीर आरोप करण्यात आला आहे.