सिंधुदुर्ग जिल्ह्यातील तीनही बडे नेते एकत्र आल्याने आता ठाकरे गटात असलेले माजी आमदार वैभव नाईक यांच्यावर ठाकरेंचा गड एकहाती सांभाळण्याची वेळ आली आहे. त्यामुळे आगामी स्थानिक स्वराज्य संस्थांच्या निवडणुकांमधील राजकीय समीकरणांची उत्सुकता अनेकांना लागून राहिली आहे. राजन तेली यांनी निलेश राणे यांचे धाकटे बंधू असलेले भाजप नेते आणि मंत्री नितेश राणे यांच्यावर टीका केली होती, मात्र आता थोरले बंधू निलेश राणे यांनी हा विषय संपवला आहे.

…तर आम्ही स्वतंत्र लढू

निलेश राणे यांनी आगामी राजकारणाचे संकेत देत महायुती झाली तरी ठीक, याचा निर्णय वरिष्ठ घेतील, पण युती झाली नाही तर आम्ही स्वतंत्र लढू असं म्हणत स्वतंत्र लढण्याचीही तयारी सुरू केली आहे. ठाकरे गटातील काही रिकामटेकड्या लोकांना आता अधिकाऱ्याला मारहाण करणे व टीका करणे या पलीकडे काही काम राहिलेले नाही, अशा शब्दात निलेश राणे यांनी ठाकरे गटातील पदाधिकाऱ्यांना सुनावले आहे.
BMC Election : मनसेशी युती ठरली, मुंबईत जागावाटपाच्या बोलणीसाठी उद्धव ठाकरेंचे तीन शिलेदार, घोषणेचा मुहूर्तही निश्चित?

राणे, तेली, केसरकर एकत्र

सिंधुदुर्ग जिल्हा बँकेबाबत राजन तेली यांनी दिलेली प्रतिक्रिया ही त्यांनी शिवसेनेत प्रवेश करण्याच्या आधीची आहे. ते त्यांचे त्यावेळचे वैयक्तिक मत आहे. आता ते महायुतीत आहेत त्यामुळे तो विषय आता तिथेच संपला असं सांगत निलेश राणेंनी विषय संपवला आहे. जो ज्या पक्षात असतो त्या पक्षाप्रमाणे भूमिका घ्याव्या लागतात पण कधीही ताणलं तरी तोडलं नाही, अशी प्रतिक्रिया तेली व केसरकर यांच्या एकत्रीकरणावर दिली आहे. ही सगळी एकनाथ शिंदे साहेबांची किमया असल्याचेही निलेश राणे यांनी म्हटलं आहे.
Mangesh Chivate : विश्वासू सहकाऱ्यावर एकनाथ शिंदेंची खास जबाबदारी, मंगेश चिवटे निवडणुकीच्या रिंगणात? मतदारसंघात जोरदार फील्डिंग
सिंधुदुर्ग जिल्हा बँक ही खासदार नारायण राणे यांच्या नेतृत्वात काम करत आहे. त्या बँकेवर मी देखील अध्यक्ष राहिलो आहे. त्यामुळे बँकेबाबत मला आदर असून ही बँक टिकावी ही माझी इच्छा आहे. त्यासाठीच मला ज्या त्रुटी दिसून आल्या त्याबाबत वरिष्ठांचे लक्ष वेधले आहे तेच त्याबाबत निर्णय घेतील, असे राजन तेली पत्रकारांच्या प्रश्नाला उत्तर देताना भूमिका मांडली आहे.