पुणे महापालिकेवरील पुन्हा सत्ता मिळविण्यासाठी भाजपने जोरदार मोहीम उभी केली आहे. नुकतेच शिवसेना (उद्धव बाळासाहेब ठाकरे गट) मधील पाच माजी नगरसेवकांचा पक्षप्रवेश झाल्यानंतर, आता काँग्रेसच्या पाच नगरसेवकांच्या भाजपमध्ये प्रवेशाची चर्चा राजकीय वर्तुळात रंगली आहे. पुढील काही दिवसांत या नगरसेवकांचा औपचारिक प्रवेश होण्याची शक्यता व्यक्त केली जात आहे.

या पार्श्वभूमीवर संबंधित प्रभागातील भाजपचे माजी नगरसेवक व स्थानिक पदाधिकारी यांची समजूत काढण्याचे प्रयत्न भाजपच्या बड्या नेत्यांकडून सुरू असून, पक्ष संघटना सर्व पातळ्यांवर या पक्ष प्रवेशासाठी समन्वय साधत आहे. त्याचबरोबर, शहराच्या उपनगर भागात शरद पवारांच्या राष्ट्रवादी काँग्रेसचा प्रभाव असलेल्या ठिकाणांहूनही काही माजी नगरसेवक आणि पदाधिकाऱ्यांशी संपर्क साधला जात आहे. त्यामुळे महाविकास आघाडीला गळती लागून त्यांना आगामी निवडणुकीत नवीन चेहरे रिंगणात उतरवावे लागण्याची शक्यता वाढली आहे.
Murlidhar Mohol : अजित पवारांविरोधात मुरलीधर मोहोळ यांचा शड्डू, दादा तीनवेळा अध्यक्षपद भूषवत असलेल्या निवडणुकीत उडी
दरम्यान, 2017 मध्ये 97 जागा जिंकून एकहाती सत्ता स्थापन करणाऱ्या भाजपने पुन्हा तोच परफॉर्मन्स पुन्हा करण्याचे लक्ष्य ठेवले आहे. त्यावेळी विविध पक्षांतील असंतुष्ट नगरसेवकांना पक्षात घेत भाजपने मोठे यश मिळवले होते. आता तोच फॉर्म्युला पुन्हा वापरण्याची तयारी आहे.

काँग्रेसमधील काही अनुभवी आणि त्या-त्या प्रभागात प्रभाव असणाऱ्या माजी नगरसेवक भाजपच्या संपर्कात असल्याचे बोलले जात आहे. काँग्रेसमधील गटबाजी, नेत्यांकडून दुर्लक्ष आणि संघटनातील गोंधळामुळे हे नेते अस्वस्थ झाले असल्याची माहिती आहे. पक्षाच्या वरिष्ठांकडे वारंवार नाराजी व्यक्त करून देखील त्यावर कोणतीही ठोस पावले न उचलल्याने हे नेते भाजपकडे जाण्याच्या चर्चा अधिक गडद झाल्या आहेत.
Mama Rajwade : ठाकरे गटाला ‘मामा’ बनवून भाजपमध्ये, आता त्याच प्रभावशाली नेत्याला अटक, कोणत्या प्रकरणात कारवाई?
एकूणच काय तर महापालिका निवडणुकीपूर्वी भाजपने “हर घर कमल” या घोषणेला न्याय देण्यासाठी, आणि आपल्या मिशन सव्वाशे साठी इतर पक्षांतील असंतुष्टांना आपल्या गोटात ओढण्याचे राजकारण जोरात सुरू केले आहे.