महाराष्ट्र ऑलिम्पिक संघटनेची २ नोव्हेंबर रोजी निवडणूक होणार आहे. या वेळी ही निवडणूक बिनविरोध होण्याची शक्यता दिसत नाही. गेल्या तीन राष्ट्रीय क्रीडा स्पर्धांचा हिशेब न देण्यावरून ‘एमओए’ला लक्ष्य करण्यात येत आहे. राज्य सरकारकडून गेल्या तीन राष्ट्रीय क्रीडा स्पर्धांसाठी १२ कोटी ४५ लाख रुपयांचा निधी एमओएला देण्यात आला होता. राज्य सरकारकडून मिळालेल्या या निधीचा हिशेब दिल्या नसल्याचा आरोप ‘एमओए’च्या महासचिव नामदेव शिरगावकर यांच्यावर यापूर्वीच भोंडवे यांनी केला आहे. त्यातच त्यांनी आता अजित पवार चौथ्यांदा अध्यक्षपदासाठी कसे काय उतरू शकतात, यावर प्रश्न उपस्थित केला आहे.

भोंडवे यांनी म्हटले, की भारतीय ऑलिम्पिक संघटनेच्या घटनेनुसार आणि नव्या स्पोर्ट्स कोडनुसार तीन टर्म अध्यक्षपद भूषवल्यानंतर चौथ्यांदा अध्यक्ष होता येत नाही. भारतीय ऑलिम्पिक संघटनेच्या नियमानुसार हे कृत्य बेकायदा ठरण्याची शक्यता आहे.

एमओएची निवडणूक दोन नोव्हेंबरला पुण्यात होणार होती. मात्र, त्यात बदल करण्यात आल्याचे भोंडवे यांनी सांगितले. भोंडवेंनी म्हटले, की एमओएची निवडणूक पुण्यात होणार असल्याचे जाहीर करण्यात आले होते. मात्र, अचानक परिपत्रक काढून निवडणुकीचे ठिकाण बदलण्यात आले आहे. ही निवडणूक मुंबईला होणार आहे. त्यामुळे मतदारांमध्येही संभ्रम निर्माण झाला आहे. काही संघटनांना नियम डावलून मतदान प्रक्रियेत सामावून घेतले आहे, तर काही संघटनांना डावलले आहे. त्यामुळे या प्रक्रियेवर नाराजी आहे. काही संघटनांनी कोर्टात जाण्याची तयारीही केली आहे.
Maharashtra Politics : …तर महापालिका निवडणुका थेट एप्रिलपर्यंत ढकलल्या जातील, 45 दिवसांच्या ‘त्या’ मुद्द्यावरुन रखडपट्टीचे संकेत
गेल्या तीन राष्ट्रीय क्रीडा स्पर्धांसाठी दिलेल्या निधीचे लेखा परीक्षण, देयके आणि अहवाल सादर करण्याबाबत राज्याच्या क्रीडा व युवक सेवा संचालनालयाने महाराष्ट्र ऑलिम्पिक संघटनेला (एमओए) कारणे दाखवा नोटीस बजावली होती. मात्र, या निधीबाबतचा अहवाल ३ ऑक्टोबरपर्यंत सादर करण्यास ‘एमओए’ला सांगण्यात आले होते. ‘हा अहवाल वेळेत न आल्यास निधी व्याजासह का वसुल करण्यात येऊ नये; तसेच भविष्यात कुठल्याही उपक्रमासाठी आपल्या संस्थेस निधी न देण्याबाबत शासनास शिफारस का करू नये,’ अशा शब्दांत क्रीडा विभागाने कारणे दाखवा नोटीस बजावली होती.
Navi Mumbai Airport : फडणवीस म्हणालेले पहिल्या तिकिटावर दि बा पाटील यांचं नाव दिसेल, पण काल मोदींनी… सुपुत्र अतुल पाटलांची नाराजी
मात्र, प्रत्यक्षात ‘एमओए’ने यासाठी तीन महिन्यांची मुदत मागितली आहे. त्यावर निधीबाबतची पूर्ण माहिती मिळाल्याशिवाय ‘एमओए’ला कोणताही निधी देऊ नये, असे राज्याच्या क्रीडा विभागाने प्रस्तावित केले आहे. याची माहितीस्तव प्रत राज्याच्या अर्थ खात्याकडेही पाठवण्यात आली आहे. विद्यमान एमओए अध्यक्ष अजित पवार हेच राज्याचे अर्थमंत्री आहेत.