जखमींमध्ये एकाच कुटुंबातील दोन महिलांसह दीडवर्षीय बालक व पुरुषांचा समावेश आहे. त्यांना जिल्हा शासकीय रुग्णालयात दाखल केले असून, सातपूर पोलिस तपास करीत आहेत. महापालिकेच्या मंजुरीनंतर महादेववाडीत कंत्राटदाराकडून झाडांच्या धोकादायक फांद्यांची छाटणी करण्याचे काम बुधवारी दुपारी बारा वाजता सुरू झाले. कामगारांनी झाडाची पाहणी करून ‘चेन साँ मशिन’द्वारे कापणी सुरू केली. यावेळी मजुरांमधील एकाने डिझेलची कॅन रस्त्याच्या मध्यभागी ठेवली होती.
साहेब…मी माझ्या आईचा जीव घेतलाय; पोलिस ठाण्यात येऊन मुलाची कबुली, कारण ऐकून सगळ्यांनाच बसला धक्का
यावेळी एक कार तेथून जात असताना कॅनमधील डिझेल सांडले आणि त्याचवेळी कोणीतरी सिगारेट पेटविल्याने एक ठिणगी कॅनसह डिझेलवर पडल्याने मोठा भडका झाला. त्यावेळी झाडाची तोडणी पाहण्यासाठी थांबलेले पंकज कैलास दोबाडे (वय ३३), दुर्गा आकाश दोबाडे (२२), लता कैलास दोबाडे (४५), कैलास छगन दोबाडे (५७), भावेश आकाश दोबाडे (दीड वर्षे) आणि सोनाली राजेश गाडेकर (३५, सर्व रा. महादेववाडी, खोका मार्केट, सातपूर) हे गंभीररीत्या भाजले.

या घटनेचा सखोल तपास होणार असल्याची माहिती महापालिकेसह पोलिसांनी दिली. तपासातील माहितीनुसार संशयितांवर कारवाई आणि गुन्हा नोंद होणार आहे.
मंदिरात पूजा करून घरी निघाले, वाटेतच दोघांकडून कोयत्याने वार; आईने पाहताच…; धक्कादायक कारण उघड
घडलेली घटना दुर्दैवी आहे. परंतु, त्यास जबाबदार असलेले महापालिकेचे अधिकारी व ठेकेदार यांच्यावर नियमानुसार कारवाई झाली पाहिजे. जळीत कुटुंबातील सदस्यांना भरपाई देण्याचीही गरज आहे. पालिका आयुक्तांनी संबंधितांवर कारवाई करावी. -सलीम शेख, माजी नगरसेवक, मनसे

गोरगरीब कुटुंबांतील सदस्य नेहमीप्रमाणे घराबाहेर ओट्यावर बसले होते. महिला धुणीभांडी करताना गप्पागोष्टींत रंगल्या असताना अचानक झालेल्या डिझेलच्या भडक्याने सहाजण भाजले. या दुर्घटनेतील जळितांना महापालिकेने आर्थिक मदत करावी. – विजय आहिरे, पदाधिकारी, मनसे