दरम्यान, आरोपी लक्ष्मण गुरु याने ‘तुमच्या मेंढ्या इथे मूत्रविसर्जन करतात, त्यामुळे आमच्या म्हशी चारा खात नाहीत, या मेंढ्या इथून काढा,’ असा म्हणत महिलेशी वाद घातला. यावर अनाबाई यांनी ‘ही जागा तुमच्या मालकीची आहे का?’ असा प्रतिप्रश्न केला. या प्रत्युत्तराने चिडलेल्या लक्ष्मणने संतापाच्या भरात अनाबाई यांच्यावर हल्ला केला. त्याने हातातील काठीने वार करत त्यांचा हात फॅक्चर केला, तसेच लाथा-बुक्क्यांनी पायावर आणि शरीरावर मारहाण केली. या घटनेमुळे परिसरात काही काळ तणावाचं वातावरण निर्माण झालं होतं.

Pune Crime: पुण्यात पोलिसांची मोठी कारवाई; आणखी एका टोळीला दणका, घरावरील धाडीत मोठं घबाड हाती, 40 लाखांची कार अन्…

प्रसंगानंतर अनाबाई यांनी पोलिस ठाण्यात धाव घेत तक्रार दाखल केली. देहूरोड पोलिसांनी तत्काळ गुन्हा दाखल करून आरोपी लक्ष्मण गुरु याला अटक केली आहे. पोलिसांकडून पुढील तपास सुरू आहे. ही घटना तीन दिवसांपूर्वी घडली असून, सध्या अनाबाई यांच्यावर उपचार सुरू आहेत. स्थानिक ग्रामस्थांनी अशा प्रकारच्या हिंसाचारावर कठोर कारवाईची मागणी केली असून, मेंढपाळ समाजातही या घटनेबाबत तीव्र संताप व्यक्त केला जात आहे.

भरदिवसा घरात घुसून माय-लेकरावर धारदार शस्त्राने हल्ला

येरवडा परिसरातील लक्ष्मीनगर भागात रविवारी सकाळी घडलेल्या एका धक्कादायक घटनेनं संपूर्ण परिसरात खळबळ उडाली आहे. चार तरुणांनी थेट घरात घुसून एका महिलेस आणि तिच्या मुलावर तलवारीने जबर मारहाण केली. या घटनेत दोघेही गंभीर जखमी झाले असून, परिसरात दहशतचे वातावरण निर्माण झालं आहे.

Jogeshwari Accident : उंच इमारतीवरुन वीट कोसळली, ड्यूटीवर जाणाऱ्या तरुणीच्या डोक्यात पडली; मुंबईतल्या 22 वर्षीय संस्कृतीचा करुण अंत

याबाबत रहीसा महंमद शेख (वय 44, रा. स.न. 10, कामराजनगर, येरवडा) फिर्याद दाखल केली आहे. रहीसा शेख यांनी दिलेल्या तक्रारीनुसार, जहुर शेख (वय 28), सुलतान खान (वय 20), आझाद खान (वय 22) आणि मुस्तफा खान (वय 21) हे चारही आरोपी रविवारी सकाळी अचानक त्यांच्या घरात घुसले. कोणत्याही पूर्वसूचनेशिवाय ‘माझ्या आईला का मारले?’ असा प्रश्न विचारत आरोपी जहुर शेख याने तलवार काढून रहीसा यांच्यावर हल्ला चढविला. त्यानंतर त्यांचा मुलगा साजिद शेख यालाही तलवारीने वार करून गंभीर जखमी केलं.