पोलिसांकडून मिळालेल्या माहितीनुसार, बेलतरोडी पोलिस ठाण्याच्या हद्दीतील सिंगापूर सिटीमध्ये एका इमारतीचे बांधकाम सुरू असून, अन्य भागातील इमारतींमध्ये रहिवासी आहेत. 15 दिवसांपूर्वी मध्यप्रदेशातील शिवनी येथील 32 वर्षीय महिला व तिचा पती तीन मुली व मुलासह येथे कामाला आले. काम करून ते परिसरातच राहतात. गुरूवारी शुभम हा येथे सुरक्षारक्षक म्हणून कामाला लागला. शुक्रवारी चॉकलेटचं आमिष दाखवून शुभमने मुलीला पाचव्या माळ्यावर नेलं. तेथे तिच्यावर बलात्कार केला.

Raigad Crime : उसने पैसे परत मागितल्याचा राग, दगडाने मारुन मित्राची निर्घृण हत्या; रायगड हादरलं

दरम्यान, येथील रहिवाशांच्या घरातील पाणी संपलं. मोटर सुरू करण्यासाठी ते शुभमला शोधत होते. त्याचा शोध घेत महिला निर्माणाधीन इमारतीच्या पाचव्या माळ्यावर गेल्या. त्यांना शुभम हा मुलीवर बलात्कार करताना दिसला. महिलांनी त्याला चोप द्यायला सुरूवात करीत मुलीला बाजूला केलं. एका महिलेनं पोलिस नियंत्रण कक्षाला घटनेची माहिती दिली. माहिती मिळताच पोलिस उपायुक्त रश्मिता राव, साहाय्यक पोलिस आयुक्त नरेंद्र हिवरे, बेलतरोडी पोलिस ठाण्याचे वरिष्ठ पोलिस निरीक्षक मुकूंद कवाडे यांच्यासह पोलिसांचा ताफा तेथे पोहोचला. पोलिसांनी शुभमची महिलाच्या तावडीतून सुटका केली. गुन्हा दाखल करून त्याला अटक केली.

पोलिसांनी त्याच्याबाबत माहिती काढली. शुभमचे वडील शिक्षक होते. त्याच्या आई-वडिलांचं निधन झालं आहे. शुभमची मानसिकस्थिती खालावली आहे, अशी माहिती त्याच्या नातेवाइकांनी पोलिसांना दिली. पोलिसांनी शुभमला न्यायालयात हजर करून त्याची दोन दिवस पोलिस कोठडी घेतली. या घटनेनं संपूर्ण नागपूरसह महाराष्ट्र हादरला आहे.