कर्मचाऱ्याचाच तस्करीत हात

आरोपीचे नाव अनिकेत रेवाणकर असे असून तो मुंबई विमानतळावरच काम करत होता. डीआरआयच्या अधिकाऱ्यांनी त्याला विमानतळाच्या स्टाफ गेटजवळ थांबवून चौकशी केली. सुरुवातीला त्याच्या बॅगेत काही संशयास्पद आढळले नाही. मात्र, शरीर तपासणीदरम्यान अधिकारी थक्क झाले. आरोपीने पोलिसांना चकवण्यासाठी चक्क आपल्या गुदाशयात अंडाकृती आकाराचे कॅप्सूल लपवले होते. या कॅप्सूलमध्ये सुमारे दीड किलो सोने दडवले गेले होते.सोशल मीडियावरील मैत्रीचा सापळा; मुंबईतील अल्पवयीन मुलीला ‘तसले’ फोटो पाठवायला केलं ‘ब्लॅकमेल’

साथीदारांनाही अटक

चौकशीदरम्यान रेवाणकरने कबूल केले की हे सोने त्याच्या साथीदारांनी दिले होते. त्यांची नावे सनी जय शिंदे, वाजिद शेख आणि बांग्लादेशातील अमिनुल हाक अशी आहेत. हे तिघेजण विमानतळाबाहेर त्याची वाट पाहत होते. डीआरआय अधिकाऱ्यांना माहिती मिळताच त्यांनी तत्काळ छापा टाकून तिघांनाही अटक केली.

सध्या सर्व चार आरोपी डीआरआयच्या ताब्यात असून त्यांच्यावर गुन्हा दाखल करण्यात आला आहे. प्राथमिक तपासात हा प्रकार केवळ सोन्याची तस्करी नसून मोठ्या हवाला रॅकेटचा भाग असल्याचा संशय व्यक्त करण्यात येत आहे. परदेशी दागिने विक्रेते आणि आंतरराष्ट्रीय तस्करांचा यात सहभाग असण्याची शक्यता नाकारता येत नाही, असे अधिकाऱ्यांनी सांगितले.

डीआरआयचे अधिकारी एस. अहमद अली यांनी सांगितले, “आमच्या माहितीनुसार हे सिंडिकेट रेवाणकरचा वापर बराच काळ विमानतळावरून तस्करीसाठी करत होते. तो आमच्या रडारवर होता आणि योग्य संधी साधून आम्ही त्याला पकडले.” या प्रकरणाच्या माध्यमातून विमानतळ कर्मचाऱ्यांच्याच सहभागामुळे सुरक्षाव्यवस्थेतील त्रुटी उघड झाल्याचे स्पष्ट झाले आहे.

विमानतळावर वाढत्या तस्कऱ्या

मुंबई विमानतळावर यापूर्वीही अशा प्रकारच्या घटना घडल्या आहेत. मागील काही दिवसांत सात वेगवेगळ्या प्रकरणांमध्ये कस्टम अधिकाऱ्यांनी एकत्रितपणे ३.८८ कोटी रुपयांचे तस्करी केलेले सोने जप्त केले आहे. याशिवाय दोन विदेशी वन्यजीव प्राण्यांची सुटका करण्याची कारवाईही करण्यात आली आहे.