राज ठाकरे शिवसेना उद्धव बाळासाहेब ठाकरे पक्षाच्या दसरा मेळाव्यात हजेरी लावतील, अशी चर्चा होती. पण तसं काही झालं नाही. पण यावेळी उद्धव ठाकरे यांनी राज ठाकरे यांच्यासोबत राजकीय युती करणार का? याबाबत महत्त्वाचं वक्तव्य केलं.
उद्धव ठाकरे नेमकं काय म्हणाले?
“आता कोण बोललं की, उद्धव ठाकरे आणि राज ठाकरे एकत्र येणार का? अरे मग 5 जुलैला आम्ही काय केलं होतं? तेव्हा मी बोललेलो आहे, आम्ही एकत्र आलो आहोत ते एकत्र राहण्यासाठी”, अशी भूमिका उद्धव ठाकरे यांनी मांडली. “जिथे माझ्या मातृभाषेचा घात होत असेल तिथे मी मराठी माणसात फूट पडू देणार नाही. मराठीवर हिंदीची सक्ती हे मी आज जाहीरपणाने सांगतोय. आमचा हिंदीला विरोध नाही. पण आच्यावर हिंदीची सक्ती करायची नाही. भाषावर प्रांत रचना झाली. त्या प्रांत रचनेप्रमाणे प्रत्येक भाषेला एक प्रांत मिळाला”, असं उद्धव ठाकरे म्हणाले.”गुजराती लोकांना गुजरात मिळालं. बंगाली लोकांना बंगाल मिळालं. कानडी लोकांना कर्नाटक मिळालं. सगळेच राज्य, तसा मराठी माणसाला महाराष्ट्र मिळाला. प्रत्येक राज्याला राज्याचं सरकार, राज्याची राजधानी मिळालं. पण महाराष्ट्राला राजधानी मिळाली नव्हती. मराठी माणसाने रक्त सांडून ही मुंबई मिळवील. ही मुंबई व्यापाऱ्यांच्या खिशात जात असेल तर खिसा फाडून आम्ही मुंबई राखल्याशिवाय राहणार नाहीत. त्यामुळे या ज्या कंड्या पिकवल्या जात आहेत, दसरा मेळाव्यात राज ठाकरे जाणार का? उद्धव ठाकरे येणार का? त्या सगळा मराठीद्वेष्टांना सांगतो, तुम्ही आमच्या मराठीला हात लावून दाखवा. तुमचा हात जागेवर ठेवणार नाही”, असा इशारा उद्धव ठाकरे यांनी दिला.
“आमचं कुणाशी भांडण नाही. आतापर्यंत किती मारामाऱ्या झाल्या. आमच्या अंगावर येऊ नका. शिवसेनाप्रमुखांनी आम्हाला शिकवलं आहे, एकतर कुणाच्या अंगावर जायचं नाही आणि कुणी अंगावर हात उचलला तर तो हात जागेवर ठेवायचा नाही. तीच शिकवण घेऊन आम्ही पुढे चाललो आहोत. आम्हाला कुणाचं उणंदुणं काढायचं नाहीय. पण विशेषत: मी दोन महत्त्वाच्या गोष्टी तुम्हाला सांगितल्या. एक म्हणजे हिंदुत्वावरुन आमच्यावर येऊ नका. तुमच्या सगळ्या टोप्या घातलेल्या फोटोंचे प्रदर्शन लावल्याशिवाय मी राहणार नाही”, असं उद्धव ठाकरे म्हणाले.
‘कमळाबाईने चिखल करुन…’, उद्धव ठाकरेंनी तोफ डागली, गाढव कुणाला म्हणाले?
“आम्हाला प्रश्न विचारण्याआधी तुमच्या नेत्यांना प्रश्न विचारा. बटेंगे तो कटेंगे करायचं की राखी कधी बांधायचं. महाराष्ट्रात गोमाता आणि बाजूला नेवून खाता हे तुमचं हिंदुत्व आहे. तुम्ही संशयावरुन माणसं मानतात. गोमांस खातात संशयावरुन तुम्ही माणसं मारतात आणि इकडे गोमांस जावून खायचं ही कोणती पद्धत आहे. ईशान्य भारतात त्यांच्या प्रवक्त्यांनी सांगितलं की, त्यांच्या राज्यात गोमांस खातात. मग ह्यांना पक्षात कसं ठेवलं? मी भाजपला प्रेमाने सांगतो. संधीचं सोनं करा. जो चिखल केलाय तो करु नका. अशी संधी नेहमी मिळत नाही”, असं उद्धव ठाकरे भाजप नेत्यांना उद्देशून म्हणाले.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा