ठाणे आणि नवी मुंबई या उन्नत मार्गासाठी ८ हजार कोटी रुपये खर्च होणार असल्याची माहिती आहे. तसंच या मार्गामुळे ठाणे, नवी मुंबई यादरम्यानच्या औद्योगिक क्षेत्रांना वेगवान मार्ग उपलब्ध होणार आहे.
Mumbai Local Train : लोकलच्या २० फेऱ्या वाढणार, दहा अप आणि दहा डाउन फेऱ्यांची वाढ; कुठे-कोणत्या मार्गावर होणार फायदा?
ठाणे ते नवी मुंबई आंतरराष्ट्रीय विमानतळादरम्यान या उन्नत, एलिव्हेटेड रोडमुळे ठाणे, नवी मुंबईतील प्रवाशांना मोठा फायदा होणार आहे. या एलिव्हेटेड रस्त्याच्या बांधकामाचा प्रस्ताव सिडकोने तयार केला आहे. हा मार्गा तयार झाल्यानंतर ठाणे ते नवी मुंबई विमानतळ यादरम्यानचा प्रवास पाऊण तासांत पूर्ण होईल.

सध्या ठाणे ते नवी मुंबई या मार्गासाठी, इथे पोहोचण्यासाठी ठाणे – बेलापूर रोड आणि पाम बीच रोड हे दोन मुख्य मार्ग आहेत. पण या दोन्ही मार्गांवर मोठ्या प्रमाणात वाहतूक होत असते, त्यामुळे वाहतूककोंडीचा सामना करावा लागतो. मोठ्या वाहतूककोंडीमुळे प्रवासासाठी अधिक वेळ लागतो.
कात्रप-खरवई रिंग रोडमुळे प्रवाशांना मोठा फायदा; बदलापूरवरुन थेट पनवेल, मुंबई – बडोदा हायवे जोडणार, कसा आहे मार्ग?
त्याशिवाय मुंबईतून अटल सेतू थेट नवी मुंबईला जोडतो, पण अटल सेतूची ठाण्याला थेट कनेक्टिव्हिटी नाही. त्यामुळे ठाणे आणि नवी मुंबई परिसरातील कनेक्टिव्हिटी वाढावी हा उद्देश होता आणि त्यातूनच ठाणे ते नवी मुंबई आंतरराष्ट्रीय विमानतळदरम्यान एलिव्हेटेड रोड तयार करण्याचा निर्णय घेण्यात आला. या मार्गासाठी मंजुरी मिळाली असून लवकरच हा मार्ग प्रवाशांच्या सेवेत येईल.

ठाणे – नवी मुंबईचा एलिव्हेटेड रोडचा मार्ग कसा असेल?

– या उन्नत, एलिव्हेटेड मार्गाचा प्रस्तावित मार्ग ठाण्यातून सुरू होईल. ठाण्यातील पटणी मैदानापासून म्हणजेच धन निरंकारी चौकातून सुरू होईल. इथून हा मार्ग ठाणे – बेलापूर रोडला समांतर 17 किमी अंतर कापून वाशीपर्यंत जाईल.

– त्यानंतर वाशीपासून पुढे नवी मुंबई विमानतळापर्यंतचा 9 किमी भाग दुमजली, डबल-डेकर उन्नत मार्ग बांधण्याचं नियोजन आहे.

महत्त्वाची बाब म्हणजे पटणी मैदान आणि वाशी दरम्यान ऐलिव्हेटेड रोड उभारताना पर्यावरणविषयक अडचणी कमी आहेत. मात्र, वाशी ते पुढे नवी मुंबई विमानतळापर्यंतचा दुसरा टप्पा काहीचा किनारपट्टी, खारफुटी भागातून जातो.