‘मराठी – हिंदीमध्ये फरक काय? मराठीची आवश्यकता काय आहे?’

मराठीत प्रतिक्रिया विचारली असतानाही त्यांनी उत्तर देत सांगितलं, की मराठी – हिंदीमध्ये फरक काय आहे, मी मराठी बोलू शकतो पण मराठीची आवश्यकता काय आहे, ही प्रतिक्रिया फक्त भिवंडी पुरतंच मर्यादित आहे. दिल्लीमध्ये आणि यूपीमध्ये जर हा मराठी बाईट, जर हे मराठी विधान जाईल तर ते कोणाला समजणार आहे? असा सवाल करत अबू आझमी यांनी मराठीत प्रतिक्रिया देणं टाळलं आहे. त्यांच्या या विधानाने संताप व्यक्त केला जात आहे.

अबू आझमींच्या विधानावरुन मनसे आक्रमक

मराठीच्या मुद्द्यावरून मनसे ठाणे जिल्हाध्यक्ष परेश चौधरी यांनी अबू आझमी यांच्या वक्तव्यावर तीव्र आक्षेप घेतला. परेश चौधरी यांनी अबू आझमी यांच्या बेताल वक्तव्याला चोख प्रत्युत्तर दिलं.
याबाबत बोलताना ते म्हणाले, अबू अझमी तुम्ही राजकारण महाराष्ट्रामध्ये करत आहेत. महाराष्ट्रात राजकारण करताना तुम्हाला उत्तर प्रदेशातील भैयांची परवा पडली आहे का? भिवंडी हे महाराष्ट्रामध्ये आहे. महाराष्ट्रामध्ये फक्त मराठीच चालेल, मराठीची जर लाज वाटत असेल, तर तुम्हाला मनसे स्टाईलने उत्तर देऊ, असं म्हणत त्यांनी अबू आझमींच्या वक्तव्याचा निषेध, विरोध करत संताप व्यक्त केला आहे.