Gautami Patil Car Accident : पुण्यातील नवले ब्रिज येथे प्रसिद्ध नृत्यांगना गौतमी पाटीलच्या गाडीचा भीषण अपघात झाला आहे. या अपघातामध्ये तिघेजण जखमी झाले असून त्यांना उपचारासाठी दवाखान्यात दाखल करण्याता आले आहे.
नेमका कसा झाला अपघात?
वडगाव येथे गौतम पाटीलच्या गाडीने दिलेल्या धडकेत रिक्षाचे मोठे नुकसान झाले आहे. तर रिक्षाचालसाहसह दोन्ही प्रवासी गंभीर जखमी झाले. जखमी झालेल्यांना तातडीने रूग्णालयात नेण्यात आले. ज्यावेळी हा अपघात झाला त्यावेळी गौतमी पाटील ही गाडीमध्ये नव्हती. तिच्या चालकाकडून हा अपघात झाला आहे. अपघाताचे नेमके कारण अद्याप समोर आलेले नाही, चालकाने मद्यप्राशन केले होते की नाही याचा पोलीस तपास करत आहेत. पोलिसांनी गौतमीच्या चालकाला ताब्यात घेतलेलं आहे.
कर्माचा फेरा! गुंड बंडू आंदेकरच्या घरावर पोलिसांचा ‘बुलडोझर’ स्ट्राइक, पुणे गँगवॉर प्रकरणी मोठी कारवाई
गौतमी पाटील महाराष्ट्रातील आघाडीची नृत्यांगना आणि लोककलाकार आहे. गौतमी ही मूळची सोलापूरमधील आहे. गौतमी अभिव्यक्तीपूर्ण हावभाव आणि रंगमंचावरील आकर्षक सादरीकरणामुळे ती प्रेक्षकांची लाडकी झाली आहे. गौतमीची मोठी क्रेज असून ग्रामीण भागात यात्रेला तिच्या कार्यक्रमाचं आयोजन केलं जातं. गौतमी आता राज्यभर प्रसिद्ध असून तिने आता चित्रपटसृष्टीतही एन्ट्री केली आहे. तर काही गाण्याचेही शुटींग केले आहेत. आपल्या मेहनतीच्या जिद्द आणि चिकाटीच्या जोरावर गौतमीने स्वत:ची वेगळी ओळख निर्माण केली आहे.
लेखकाबद्दलहरिश मालुसरे हरिश मालुसरे, महाराष्ट्र टाइम्स ऑनलाईनमध्ये डिजिटल कंटेंट प्रोड्युसर म्हणून कार्यरत आहेत. 2020 पासून पत्रकारितेच्या क्षेत्रात आहेत. राजकीय, स्पोर्ट्स, आणि क्राईम या विषयांच्या बातम्यांमध्ये विशेष आवड. पुण्यातील आबासाहेब गरवारे महाविद्यालयात पत्रकारितेमध्ये आपली पदवीचे शिक्षण पूर्ण केले. त्यानंतर थोडक्यात, झी २४ तास, टीव्ही९ मराठी या माध्यमांमध्येही ऑनलाईन टीममध्ये काम केले आहे.… आणखी वाचा