अलिशा खालिद हिने ‘ऑपरेशन सिंदूर’च्या वेळी भारताविरोधात टीका केली होती. त्यामुळे भारतीय नेटिझन्सच्या मनात तिच्या विरुद्ध राग असून त्यांनी हा आक्रोश व्यक्त केला. ‘इंग्लंडमधील बर्मिंगहम येथे नवे शोरूम सुरू करण्याचे नियोजन असताना प्रचार-प्रसारासाठी जॅब स्टुडिओला नेमले होते. त्यांनी काही इन्फ्लुएन्सर्सची सेवा घेतली होती. त्यातील एक अलिश्बा होती. ती मूळची इंग्लंडमधील रहिवासी आहे. भारतातील पेहलगाम हल्ल्याच्या (एप्रिल) खूप आधी जॅब स्टुडिओने तिची सेवा घेतली होती. शिवाय ती मूळची पाकिस्तानची असल्याची माहिती आम्हाला नव्हती. आता तिची सेवा घेणे बंद करण्यात आले आहे. पूर्वी कधी तरी त्या इंग्लंडस्थित इन्फ्लुएन्सरची सेवा घेतली, हे आमची बदनामी करण्यासाठी कारण होऊ शकत नाही’, असे म्हणणे मांडत कंपनीने न्यायालयात धाव घेतली आहे.