महेश सोनवणे उर्फ चिमण्याची कारागृहातून वीस सप्टेंबर रोजी सुटका झाली होती. त्यानंतर त्याच्या साथीदारांनी हातात धारदार कोयते मिरवत त्याची मिरवणूक काढून त्याचे रिल बनवले. दहशत माजविण्याच्या उद्देशाने सोशल मीडियावर व्हायरल केली होती. या मिरवणुकीवेळी रस्त्याने येणाऱ्या-जाणाऱ्या नागरिकांना चिमण्याभाईच्या साथीदारांनी शस्त्राचा धाक दाखवून, त्यांची वाहने अडवून, अंगावर धावून जात दहशत निर्माण केली होती.

नाशिकरोड पोलिसांनी या प्रकाराची दखल घेत चिमण्यासह प्रतीक सोनवणे, यश गिते, मोनू सोनवणे, उमेश फसाळे, प्रमोद सावदेकर, श्रावण पगार, सुमित बगाटे, मुन्ना साळवे, रामू नेपाळी आणि इतर पंधरा ते वीस जणांच्या विरोधात पोलिस अंमलदार अरुण गाडेकर यांच्या फिर्यादीवरून नाशिकरोड पोलिसांत गुन्हा दाखल केला होता.
Solapur Crime : रेडिमेड कापड व्यावसायिकाने कारखान्यातच आयुष्य संपवलं, लग्नाच्या तोंडावर टोकाचं पाऊल, आई आणि जुळ्या भावाचा टाहो
गुन्हा दाखल होताच पोलिसांनी चिमण्याभाईच्या टोळीतील सतरा जणांना अटक केली. वरिष्ठ पोलिस निरीक्षक जितेंद्र सपकाळे, गुन्हे शोध पथकाचे सहा. पोलिस निरीक्षक प्रवीण सूर्यवंशी, उपनिरीक्षक संदीप पवार, हवालदार विशाल पवार यांच्या पथकाने या संशयितांची धिंड काढली.
Mumbai Crime : दादर स्विमिंग पूलमध्ये दोन अल्पवयीन मुलींचं लैंगिक शोषण, आरोपीकडे बोट दाखवत बारा-तेरा वर्षांच्या मुलींनी…
सलमान मेहंदी हजन अंसारी, रामू कमल बादी, उमेश रमेश फसाळे, समाधान काळू बदादे, चंद्रकांत विनोद बोरसे, प्रतीक प्रकाश सोनवणे, रोहन जर्नाधन राजभर, हर्षल सदाशिव वीर, अमोल अनिल सावदेकर, ऋषिकेश पांडुरंग जाधव, मयंक अनिल खोडे, करण राजू तेलगड, अमित रवींद्रनाथ शर्मा, पारस रत्नाकर सोनवणे, अंकुश दीपक निंबाळकर, श्रवण विशाल पगारे, गौरव नेताजी शिंदे या संशयितांची पोलिसांनी परिसरात वरात काढली. या कारवाईत पोलिसांनी पाच विधिसंघर्षित बालकांनाही ताब्यात घेतले आहे. चिमण्याभाई मात्र पसार झालेला आहे.