काल रविवारी पहाटे सहा वाजण्याच्या सुमारास एका भरधाव कंटेनरनं दुचाकीला जोरदार धडक दिली. या धडकेत वसार येथील रहिवासी सत्यम बिंद (वय 16) आणि शाम राजभर (वय 16) या दोघांचा जागीच मृत्यू झाला, अशी माहिती पोलिसांनी दिली आहे. तर त्यांच्यासोबत दुचाकीवर असलेला वैभव जाधव (वय 16) हा गंभीर जखमी झाला असून त्याला तातडीनं उल्हासनगर मध्यवर्ती रुग्णालयात दाखल करण्यात आलं आहे. दरम्यान, वैभवची प्रकृती स्थिर असल्याचं सांगण्यात आलं आहे.

अतिवृष्टीचा फटका, पैठणमध्ये तब्बल 8000 नागरिकांना सुरक्षितस्थळी हलवलं, गावच्या गावं केली रिकामी

या अपघातानंतर कंटेनरचालकानं घटनास्थळावरून पलायन केलं, असं घटनास्थळी असलेल्यांनी सांगितलं. मात्र, शिवाजीनगर पोलिसांनी तातडीनं घटनास्थळी धाव घेत वाहतूक सुरळीत केली आणि अपघाताची नोंद घेतली. कंटेनरचालकाविरोधात गुन्हा दाखल करण्यात आला असून त्याचा शोध सुरू असल्याची माहिती समोर आली आहे.

सर्पदंशाने 4 वर्षीय चिमुकलीचा करुण अंत

डोंबिवली जवळच्या खंबाळपाड्यात मावशीकडे राहण्यास गेलेल्या मुलीला आणि मावशीला झोपेत असताना पहाटे पाच वाजता विषारी सापाने चावा घेतला. यात या मुलीचा मृत्यू झालाय, तर मावशीवर ठाण्याच्या सिव्हील हॉस्पिटलमध्ये उपचार सुरू आहेत.

Nanded Crime : ‘माझ्या बहिणीची पुन्हा छेड का काढलीस?’ भावाला दिदीची छेड काढल्याचा संशय, रागाच्या भरात दादाकडून नको ते काम…

प्राणगी विकी भोईर (वय 4 वर्ष) असं मृत मुलीचं नाव असून ती आजदे गावातील भागीरथी अपार्टमेंटमध्ये राहत होती. शनिवार आणि रविवार सुट्टी असल्याने नर्सरीत शिकणारी प्राणगी ही खंबाळपाड्यात राहणारी तिची मावशी बबली उर्फ श्रुती अनिल ठाकूर (वय 23) हिच्याकडे राहण्यास गेली होती. प्राणगी ही तिची मावशी बबली उर्फ श्रुतीजवळ झोपली होती. गाढ झोपेत असताना सापाने प्राणगीला चावा घेतला. त्यानंतर सापाने तिची मावशी बबली उर्फ श्रुती हिला देखील चावा घेतला. विष भिनलेल्या प्राणगीचा दवाखान्यात नेण्यापूर्वी मृत्यू झाला होता. तर मावशी बबली उर्फ श्रुती हिला आधी केडीएमसीच्या पश्चिम डोंबिवलीतील शास्त्रीनगर हॉस्पिटलमध्ये दाखल केलं. मात्र, प्रकृती अधिकच गंभीर झाल्यानं तिला ठाण्याच्या सिव्हील हॉस्पिटलमध्ये हलविण्यात आलं. तेथे बबली उर्फ श्रुतीवर अतिदक्षता विभागात उपचार सुरु आहेत.