जगताप ओवैसींवर निशाणा साधत म्हणाले की, एमआयएमची पतंग किती उंच न्यायची आणि कुठे कापायची हे महाराष्ट्रातील प्रत्येकाला ठाऊक आहे. पतंग फक्त हिंदूंच्या संक्रांतीलाच उडते, इतर वेळी ती कुणालाच मान्य नसते. त्यामुळे पतंगीच्या जीवावर जर कोणी मांजा-चक्री खेळत असेल, तर त्याचा बंदोबस्त हिंदू समाज करू शकतो, असा इशारा त्यांनी दिला.

वक्फ बोर्डाद्वारे विशिष्ट समाजालाच न्याय

वक्फ बोर्डाच्या कामकाजावरही जगतापांनी सवाल उपस्थित केले. वक्फ बोर्डाद्वारे केवळ एका विशिष्ट समाजालाच न्याय दिला जातो. फाळणीच्या वेळी भारतात बाहेरून आलेल्या इतर समाजांवर अन्याय होता कामा नये. त्याकाळी फक्त एका वर्गासाठी कायदा तयार करण्यात आला. आमची मागणी आहे की, फाळणीनंतर भारतात आलेल्या सर्व समाजांसाठी स्वतंत्र कायदा करावा. लवकरच याबाबत आम्ही सरकारकडे मागणी करणार आहोत, असे जगताप म्हणाले.

ओवेसींची सभा, नगरच्या महापालिकेच्या रणधुमाळीचा रंग आणि त्यावरून पेटलेला राजकीय वाद यामुळे नगरचे राजकारण तापले आहे.

दरम्यान एमआयएमचे अध्यक्ष असदुद्दीन ओवैसी आणि माजी खासदार इम्तियाज जलील यांच्या कोल्हापूर दौराही वादात अडकला. यावर भाष्य करताना इम्तियाज जलील म्हणाले, ‘राज्य सरकार, विरोधक तसेच समाजात तणाव निर्माण करणाऱ्या प्रवृत्तीवर कडाडून हल्ला केला. पूरग्रस्त भागात फक्त दिखाऊ दौरे करून राजकारण करण्याऐवजी शेतकऱ्यांना त्वरित व थेट मदत देणे गरजेचे आहे.’