दरम्यान या महिलेने आपली आठ महिन्याची मुलगी रडत होती म्हणून तिचा खून केल्याची प्राथमिक माहिती पोलिसांना मिळाली आहे. ती सारखी रडत आहे म्हणून तिचा तोंडात बोळा कोंबून हत्या केल्याची प्राथमिक माहिती पोलीस तपासात समोर आली आहे. या घटनेनंतर त्यांनी आपल्या बहिणीला फोन करून मी तिला झोपवल्याचे सांगितलं, मात्र दवाखान्यात गेल्यानंतर तिच्या बहिणींना घरच्यांना संशय आला, त्यानंतर हा सगळा धक्कादायक प्रकार समोर आला. ही महिला रत्नागिरी येथे आपल्या माहेरी आली होती तिचे पती नोकरी व्यवसायानिमित्त परदेशी असतात.
Solapur News : सॉरी पब्लिक… जब हम ना होंगे, हमारी बाते होंगी, सोलापुरात प्रसिद्ध रीलस्टारने आयुष्य संपवलं
रत्नागिरी कारवांचीवाडी पारस नगर या परिसरात सध्या वास्तव्य असलेल्या या महिलेने अत्यंत क्रूरपणे, निर्दयीपणे या मुलीची खून केला आहे. हुरेन असिफ नाईक (वय १ वर्ष, रा. अलोरे, चिपळूण) असं या मृत मुलीचं नाव आहे. या हत्येमागील नेमकं कारण अद्याप समजू शकलेलं नाही. या धक्कादायक घटनेने परिसरात खळबळ उडाली आहे. या घटनेची माहिती मिळताच रत्नागिरी ग्रामीण पोलीस ठाण्याच्या सहाय्यक पोलिस निरीक्षक तेजस्वीनी पाटील यांनी तातडीने आपल्या पोलीस पथकासह घटनास्थळी धाव घेतली. या सगळ्या घटनेचा पंचनामा करून बालकाचा मृतदेह पुढील कार्यवाहीसाठी शासकीय रुग्णालय पाठवला आहे.

दरम्यान या सगळ्या घटनेचा तपास रत्नागिरी ग्रामीण पोलिसांनी सुरू केला असून ही महिला मानसिक रुग्ण असल्याची प्राथमिक माहिती समोर आली आहे. मात्र नेमकं कारण अद्याप समजू शकलेलं नाही. रत्नागिरी ग्रामीण पोलीस ठाण्यात या घटनेची नोंद करण्यात आली असून अधिक तपास रत्नागिरी ग्रामीण पोलीस करत आहेत.