Nashik Leopard Attack: पाळीव जनावरे पळवणारा बिबट्या आता बालकांचा बळी घेऊ लागल्याने नागरिक दहशतीखाली आहेत. वन विभागाने सुमारे वीस पिंजरे लावून आणि अनेक बिबटे जेरबंद करूनही बिबट्यांचा उच्छाद सुरूच आहे.
वडनेर गेट भागातच महिन्यापूर्वी राखी पोर्णिमेच्या पूर्वसंध्येला आयुष भगत या चिमुरड्याला बिबट्याने अशाच पद्धतीने शेतात नेऊन बळी घेतला होता. आता नवरात्रात श्रुतिकचा बळी गेल्याने हळहळ व्यक्त होत आहे. या घटनेने जिल्ह्यात बिबट्याची दहशत कायम असून, नागरिकांत संताप व्यक्त होत आहे.
चिमुकलीचा जीव वाचवताना मूक महिलेचा शॉक लागून मृत्यू, पोटची दोन लेकरं मातृत्वाला पारखी, नाशिक हळहळलं
श्रुतिकचे वडील गंगाधर हे लष्करी जवान आहे. श्रुतिक त्यांचा एकुलता मुलगा होता. गंगाधर यांची एक वर्षापूर्वीच नाशिकरोडच्या आर्टिलरी सेंटरमध्ये बदली झाल्याचे समजते. हे कुटुंब मूळचे कर्नाटकचे आहे. आतापर्यंत वेगवेगळ्या ठिकाणी झालेल्या बिबट्याच्या हल्ल्यांत पाच बालकांचा जीव गेला आहे.
जवळच शाळा
घटना घडली तेथून जवळच केंद्रीय विद्यालय आहे. त्यामुळे या शाळेतील विद्यार्थ्यांच्या पालकांमध्ये भीतीचे वातावरण आहे. देवळाली कॅम्पलाही बार्न्स स्कूलजवळ बिबट्या गिरक्या मारत आहे. आयुष भगत या बालकाचा बळी घेणा-या बिबट्याला पकडण्यासाठी नागरिकांनी वनविभागाच्या कार्यालयावर आक्रोश मोर्चा काढला होता. मात्र, वडनेरगेट, पिंपळगावखांब, जयभवानी रोड, देवळाली कॅम्प, देवळालीगाव आदी दाट लोकवस्तीत बिबट्याचा वावर दिवसरात्र सुरू आहे. सिंहस्थासाठी आता कर्ज काढण्याचा मार्ग मोकळा; नाशिक महापालिकेला ऐतिहासिक ‘अअ+’ रेटिंग
भरवला अखेरचा खास
प्रत्यक्षदर्शिंनी दिलेली माहिती अशी, की वडनेर येथील कारगिल गेटजवळील लष्कराच्या चाळीत मंगळवारी रात्री साडेनऊच्या सुमारास वडील गंगाधर हातात ताट घेऊन लाडक्या श्रुतिकला जेऊ घालत होते. ताट ठेवण्यासाठी ते घरात गेले. याच क्षणाचा फायदा घेत झाडीमध्ये दबा धरून बसलेल्या बिबट्याने बाळाला उचलले. त्याच्या जोरदार किंचाळीने गंगाधर धावत बाहेर आले, तेव्हा बिबट्या त्याला ओढत नेताना दिसला. गंगाधर यांनी दुचाकीवरील हेल्मेट बिबट्यावर फेकून मारले. मात्र, शेजारच्या केंद्रीय विद्यालयाच्या भिंतीवरून उडी घेत बिबट्या वालदेवी नदीकाठच्या दाट जंगलात पसार झाला. बाळाला बिबट्या घेऊन गेल्याचे समजताच आईने केलेला आक्रोश हृदय पिळवटून टाकणारा होता. गंगाधर यांचे सहकारी जवान जेवण करून शतपावली करीत होते. ते त्यांच्या मदतीला धाऊन आले.
Nashik Accident : देवीचं दर्शनही अधूरं राहिलं; ज्योत घ्यायला जाताना वाटेतच काळाची झडप, घाटात वाहन पलटी; एकाचा मृत्यू
थर्मल ड्रोन निरुपयोगी
श्रुतिकच्या शोधासाठी जवानांनी आर्टिलरीचे जंगल पिंजून काढले. सुमारे तीनशे अधिकारी, जवान शोध घेत होते. वन खात्याचे पथक घटनास्थळी दाखल झाले. जवानांच्या मदतीने त्यांनी शोधमोहीम सुरू केली. वन विभागाने चार थर्मल ड्रोनची मदत घेतली. मात्र, दाट जंगल, अंधार, गाजरगवत, पावसामुळे ड्रोनचा फारसा उपयोग झाला नाही. त्यामुळे प्रशिक्षित दोन श्वानांची मदत घ्यावी लागली
श्रुतिकचा बिबट्याने बळी घेतला, तेथेच केंद्रीय विद्यालय आहे. बिबट्याला जेरबंद करण्यासाठी वन विभाग प्रयत्नांची शिकस्त करीत आहे. नागरिकही जिवाची पर्वा न करता त्यांना मदत करत आहे. अशी दुर्घटना पुन्हा घडू नये म्हणून सरकारने लक्ष घालावे. श्रुतिकच्या कुटुंबाला त्वरित भरपाई द्यावी. – जगदीश पवार, माजी नगरसेवक
नाशिकच्या दाट वस्तीत बिनधास्तपणे शिरकाव करून पाळीव जनावरे, नागरिकांना लक्ष्य करणाऱ्या बिबट्यांसाठी सरकारने पुनर्वसन प्रकल्प उभारावा. वन विभागाच्या माध्यमातून दीर्घकालीन धोरणात्मक उपाययोजना करून सर्वांना दिलासा द्यावा. – श्याम गोहाड, अध्यक्ष, युवान प्रतिष्ठान
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाईनमध्ये ३ वर्षांपासून कन्सल्टंट म्हणून कार्यरत आहे.या आधी सकाळ मिडियामध्ये २ वर्ष कामाचा अनुभव आहे. चालू घडामोडी, गुन्हेगारी, राजकीय विषयांच्या बातम्यांत विशेष आवड.… आणखी वाचा