वैभव खेडेकर यांनी आपल्या पदाधिकारी कार्यकर्त्यांसह मंगळवारी संध्याकाळी उशिरा डोंबिवली येथे भाजप प्रदेशाध्यक्ष रवींद्र चव्हाण यांची भेट घेऊन चर्चा केली आहे. चव्हाण यांच्या भेटीचे व्हिडिओज वैभव खेडेकर यांनी आपल्या व्हॉट्सअप स्टेटसला ठेवले आहेत. मुख्यमंत्री देवेंद्र फडणवीस यांच्या आवाजातील ‘मेरा पानी उतरता देख, मेरे किनारे पे घर मत बसा लेना, मै समंदर हू लौटकर जरुर आऊंगा’ हे स्टेटस खेडेकरांनी ठेवलं आहे.

याआधी, खेड येथून मुंबईला रवाना होताना वैभव खेडेकर यांनीही आपण भाजपचं काम यापूर्वी सुरु केल्याचं म्हटलं होतं. आता फक्त पक्ष प्रवेशाची औपचारिकता आहे, म्हणून आपण मुंबईकडे निघालो असल्याचं त्यांनी म्हटलं होतं. खेड भरणे येथील श्री काळकाई देवी मातेचे दर्शन घेऊन शेकडो कार्यकर्ते आणि शेकडो गाड्यांचा ताफा मुंबईच्या दिशेने रवाना झाला, मात्र भाजपाच्या मुंबई नरिमन पॉईंट येथील प्रदेश कार्यालयात पक्षप्रवेशाची कोणतीही तयारी नव्हती, एकही नेता उपस्थित नव्हता, त्यामुळे खेडेकरांचा पक्षप्रवेश कार्यक्रम पुन्हा एकदा हुकला. त्यानंतर अनेक कार्यकर्त्यांचा हिरमोड झाल्याचे पाहायला मिळालं.

या पार्श्वभूमीवर वैभव खेडेकर यांचे राजकीय वजन कमी करण्यामागे बड्या स्थानिक नेत्यांचा हात असल्याची चर्चा आहे. यामागे दोन नेत्यांची नावं चर्चेत आहेत, दोन्ही नेते राजकीयदृष्ट्या अग्रेसर आहेत. मात्र वैभव खडेकर यांचा भाजप प्रवेश त्या दोन नेत्यांना अडचणीचा का वाटतो याचीही चर्चा सुरू आहे.

खेडेकर यांचे व्हॉट्सअप स्टेटस चर्चेत

पक्षप्रवेशाचा कार्यक्रम हुकल्यानंतर वैभव खेडेकर यांच व्हॉट्सअप स्टेटस पुन्हा एकदा चर्चेत आलं आहे. ‘तुमच्या जिद्दीसमोर चक्रव्यूह सुद्धा फिका पडेल, राजकारणात थोडा उशीर झाला तरी जनतेचे प्रेम कायम तुमच्या पाठीशी राहील’ आमचे राजकीय अस्तित्व संपवणे इतके सोपे नाही, तुमच्याकडे पैसा असेल पण बुद्धी आम्हाला खानदानी देणगी आहे, जो धाडस करतो त्यालाच यश मिळतं, अशा स्वरूपाचे स्टेटस वैभव खेडेकर यांनी ठेवली आहेत, तसेच गाड्यांच्या ताफा असलेला व्हिडिओ ठेवला आहे.
Baba Gujar : अजित पवारांना धक्का, बड्या नेत्याचा राजीनामा; म्हणाले, पक्षाच्या भविष्यासाठी योग्य निर्णय
भाजपचे युवा नेते, मंत्री नितेश राणे यांनी 4 सप्टेंबरची तारीख जाहीर करूनही वैभव खेडेकर यांचा पक्षप्रवेश पुन्हा हुकला, विविध राजकीय चर्चा तर्कवितर्क सुरू असले तरी हा भाजपा प्रवेश लवकरच होणार असल्याचे सांगितले जात आहे. दरम्यान हा पक्षप्रवेश केला असला तरी रवींद्र चव्हाण यांची सविस्तर भेट झाली आहे. वैभव खेडेकर यांनी डोंबिवली येथे कार्यकर्त्यांसह प्रदेशाध्यक्ष रवींद्र चव्हाण यांची भेट घेतली व सविस्तर चर्चा केल्याची माहिती आहे.
Aba Bagul : राजीव गांधींचे विश्वासू, सहा वेळा पुण्यातून लोकप्रतिनिधी, हयात काँग्रेसमध्ये घालवलेला तगडा नेता भाजपच्या वाटेवर
खेडचे माजी नगराध्यक्ष वैभव खेडेकर यांच्यासह दक्षिण रत्नागिरीचे जिल्हाध्यक्ष अविनाश सौंदळकर चिपळूणचे संतोष नलावडे, माणगाव, रायगडचे सुबोध जाधव यांच्यासह अनेक पदाधिकाऱ्यांना राज ठाकरे यांनी मनसेमधून बडतर्फ केलं.त्यानंतर वैभव खेडेकर यांना भाजपामध्ये प्रवेश देण्यासाठी युवा नेते मंत्री नितेश राणे व प्रदेशाध्यक्ष रवींद्र चव्हाण यांनी पुढाकार घेतला असला तरी मात्र अद्याप हा पक्षप्रवेशाचा मुहूर्त लाभलेला नाही.