अजय, वय ४० वर्ष, रा. नरसाळा रोड, असे अटक केलेल्या हल्लेखोर पतीचे, तर अंजली आणि सुनील (सर्वांची नावे बदललेली) अशी जखमी पत्नी आणि प्रियकराची नावे आहेत.

अजय हा खासगी काम करतो. अंजली ही सदरमधील बँकेत कर्मचारी असून सुनील याचा सायकल विक्रीचा व्यवसाय आहे. सुनील व अंजलीचे अनैतिक संबंध असल्याची माहिती अजयला मिळाली. अजयने अंजलीला विचारणा केली. त्यावरून दोघांमध्ये वाद झाला. याच कारणावरून दोघांमध्ये सतत वाद सुरू झाला. अजयने वेगळे राहण्याचीही धमकी अंजलीला दिली.

दरम्यान अजय संतापला, त्याने अंजली व सुनीलचा काटा काढण्याचा कट आखला. सोमवारी दुपारी तो सुनीलच्या सीताबर्डी परिसरातील दुकानात गेला. त्याने लोखंडी वस्तू सुनीलच्या डोक्यावर वार केला व तेथून पसार झाला. त्यानंतर तो अंजलीच्या बँकेत गेला. तेथे गोंधळ घालायला सुरूवात केली. तो तिला पार्किंगस्थळी घेऊन आला. त्यानंतर तिच्यावर गळ्यावर चाकूने वार करून तिला जखमी केले.
Parbhani Crime : नोकरी लावा, घरात बसायला मी वॉचमन आहे का? सुनेने छळलं, निवृत्त सरकारी अधिकारी सासूने मृत्यूला कवटाळलं, चिठ्ठीत…
नागरिकांनी त्याला पकडले. अंजलीला हॉस्पिटलमध्ये दाखल केले. एका नागरिकाने सदर पोलिसांना माहिती दिली. माहिती मिळताच पोलिसांचा ताफा तेथे पोहोचला. पोलिसांनी अजयला अटक केली. पोलिसांनी त्याला न्यायालयात हजर केले. न्यायालयाने त्याची पोलिस कोठडीत रवानगी केली.

दुसरीकडे, पाथरी येथे 19 वर्षीय गतिमंद तरुणीवर सामूहिक अत्याचार करणाऱ्या चार जणांना पोलिसांनी अटक केली आहे. अटक करण्यात आलेल्या आरोपींमध्ये दोन अल्पवयीनांचाही समावेश आहे. मागील गुरुवारी, 18 सप्टेंबर रोजी रात्री पाथरी गावातील चार जणांनी पीडित तरुणीला फूस लावून गावाबाहेर असलेल्या शाळेच्या परिसरात नेले. तेथील शौचालयात तिच्यावर आळीपाळीने अत्याचार केला.
त्यानंतर तिला गावात नेऊन सोडून दिले.
Buldhana Crime : 22 वर्षीय प्रियकराने इंजिनिअरिंग विद्यार्थिनीचा हॉटेलमध्ये जीव घेतला, पोलिसांनी तिचं नाव जाहीर केलं अन् रात्रभरात मोठा ट्विस्ट
ही बाब घटनेच्या चार दिवसानंतर म्हणजेच सोमवारी पीडित मुलीच्या आईच्या लक्षात आली. तिने लगेच पाथरी पोलिस स्टेशन गाठून आरोपीविरूद्ध तक्रार दिली. त्यानंतर पोलिसांनी आरोपींना अटक केली. न्यायालयाने अल्पवयीनांची रवानगी बालसुधारगृहात तर अन्य दोघांची रवानगी न्यायालयीन कोठडीत केली आहे.