PSI Misbehave : मुंबईतील व्ही. पी. रोड पोलीस ठाण्यातील महिला पोलिस उपनिरीक्षक दुर्गा खर्डे यांचा एक व्हिडिओ व्हायरल झाला. यात त्यांनी तक्रारदार महिलेवर नेमप्लेट फेकून मारल्याचे दिसत आहे. राज्य मानवाधिकार आयोगाने या घटनेची दखल घेतली आहे. आयोगाने दुर्गा खर्डे यांना नोटीस पाठवून उत्तर मागितले आहे. तसेच, मुंबई पोलीस आयुक्त आणि परिमंडळ-2 च्या पोलीस उपायुक्तांकडून अहवाल मागवला आहे.
याचबरोबर मानवाधिकार आयोगाचे अध्यक्ष न्यायमूर्ती ए. एम. बदर यांनी मुंबईचे पोलीस आयुक्त देवेन भारती व परिमंडळ-२ चे पोलीस उपायुक्त यांनाही नोटीस जारी करून सहा आठवड्यांत त्यांच्याकडून अहवाल मागितला. या घटनेबद्दल अखिल भारतीय पत्रकार संघाचे अध्यक्ष प्रशांत कोठावदे यांनी संबंधित फोटोसह तक्रार पाठवल्यानंतर आयोगाने त्याची दखल घेतली. तसेच सोशल मीडियावरील व्हिडीओ व याविषयीच्या बातम्यांचीही आयोगाने शहानिशा केली.
निर्विघ्न उत्सवासाठी सुरक्षाकवच! नवरात्रोत्सवासाठी मुंबई पोलिस सज्ज; गरबा, दांडियांसाठी मार्गदर्शन सूचना जारी
‘पोलिस ठाण्यात एक महिला तक्रार दाखल करण्यासाठी गेली होती. मात्र, तिची तक्रार घेण्यास पोलिसांनी नकार दिला. त्यामुळे तक्रारदार महिलेने जाब विचारला असता, खर्डे या आक्रमक झाल्या. त्यानंतर तक्रारदार महिलेने त्यांना नाव विचारले असता, खर्डे यांनी त्यांच्या वर्दीवरील नेमप्लेट व बॅच फेकून मारली. अशा घटनेमुळे पोलिस दलाची प्रतिमा मलीन होत आहे. त्यामुळे या महिला अधिकारीची तात्काळ चौकशी करून त्यांना बडतर्फ करण्यात यावे’, अशी विनंती कोठावदे यांनी तक्रारीत केली आहे.
लेखकाबद्दलविमल पाटीलविमल पाटील, महाराष्ट्र टाइम्समधून वेब पत्रकारितेला सुरुवात केली, गेले एक वर्ष कन्सलटन्ट म्हणून काम करत आहे. डिजिटल पत्रकारितेत वृत्त संकलन, सोशल मीडियाचे व्यवस्थापन आणि फिल्ड रिपोर्टिंगचा अनुभव आहे. याआधी त्यांनी आर. एन. ओ. वृत्तसंस्थेसाठी फिल्ड रिपोर्टर म्हणून कार्य करत असताना विविध सामाजिक, राजकीय व स्थानिक विषयांवर रिपोर्टिंग केले आहे. तसेच, त्यांनी सामना आणि लयभारी या माध्यमांमध्ये सोशल मीडिया हँडलर म्हणूनही काम पाहिले आहे. त्या मुंबई विद्यापीठाच्या पत्रकारिता विभागातून पत्रकारितेची पदव्युत्तर प्राप्त आहे.… आणखी वाचा