नुकतेच नागपूर मध्ये अजित पवारांच्या राष्ट्रवादीचे एक शिबिर पार पडले होते. या शिबिरामध्ये राष्ट्रवादी अजित पवार गटाच्या एका माजी नगरसेवकाने ‘झालं गेलं विसरून जा दादा-ताई पुन्हा एकत्र या’ या आशयाचं बॅनर लावलं होतं. नागपूर नंतर आता पुण्यात सुद्धा अशाच प्रकारचे एक बॅनर लावण्यात आले असून त्यावर अजित पवार, सुप्रिया सुळे आणि शरद पवार यांचा एकत्रित फोटो असून ‘आम्ही एकत्रच’ असा उल्लेख केलेला आहे. या बॅनर नंतर राज्यभरात पुन्हा एकदा दोन्ही राष्ट्रवादी एकत्र येण्याच्या चर्चा सुरू झाल्या आहेत.

Pune Crime : लग्नाच्या सहा महिन्यातच बायको-सासूचा त्रास, पुण्यात तरुणाने आयुष्य संपवलं, 24 वर्षीय विवाहितेवर गुन्हा
पुण्यात सिटी प्राईड चौकात हे बॅनर लावण्यात आले आहे. त्यावर ‘आम्ही एकत्रच! विचार वेगळे असले तरी,आम्ही कुटुंब म्हणून एकत्र, आम्ही चिंता करत नाही गरज पडल्यास ताई दादा एकत्र येणार आमचा विश्वास’. अशा आशयचा मजकूर लिहिलेला आहे. राष्ट्रवादी युवक काँग्रेसचे पुणे शहर उपाध्यक्ष करण गायकवाड यांनी हे बॅनर लावले आहे. या बॅनर नंतर स्थानिक स्वराज्य संस्थेच्या निवडणुकापूर्वी दोन राष्ट्रवादीचे मनोमिलन होणार का? अशी चर्चा पुन्हा एकदा सुरु झाली आहे.
Pune Crime : आधी हाताने मारहाण नंतर कोयते काढले अन्…, पुण्यात घायवळनंतर आणखी एका टोळीचा मोठा राडा
2 जुलै 2023 रोजी अजित पवार यांनी राष्ट्रवादीतील ज्येष्ठ नेत्यांसोबत वेगळा निर्णय घेत भाजप शिवसेना युतीच्या सरकारमध्ये सहभागी होण्याचा निर्णय घेतला होता. त्यानंतर राष्ट्रवादी पक्षाचे नाव व घड्याळ चिन्ह हे अजित पवारांच्या राष्ट्रवादीला बहाल करण्यात आले होते. अजित पवारांच्या निर्णयानंतर बऱ्याच वेळेस काका पुतणे हे कधी एका मंचावर दिसले तर कधी दोन राष्ट्रवादीमध्ये टोकाची टीका सुद्धा पाहायला मिळाली. त्यानंतर झालेल्या लोकसभा निवडणुकीमध्ये सुनेत्रा पवार आणि सुप्रिया सुळे यांच्यामध्ये थेट लढत झाली होती. तर विधानसभा निवडणुकीत युगेंद्र पवार आणि अजित पवार यांच्यात सुद्धा थेट सामना झाला होता. मात्र असं असलं तरी कौटुंबिक कार्यक्रमात संपूर्ण पवार कुटुंब अनेक वेळा एकत्र आल्याचा चित्र सुद्धा संपूर्ण राज्याने पाहिले होते. त्यामुळे दोन्ही राष्ट्रवादी या एकत्र येऊ शकतात अशी चर्चा सामान्य कार्यकर्त्यांमध्ये वेळोवेळी ऐकायला मिळते. आता नागपूर मध्ये आणि त्यानंतर पुण्यामध्ये झळकलेल्या या बॅनर नंतर पुन्हा एकदा दोन राष्ट्रवादीचे मनोमिलन होणार का या चर्चा सुरू झाल्या आहेत.