दरम्यान सून सुषमा शिसोदे व तिची आई गंगुबाई अंबादास कचवे या दोघींवर परभणीच्या कोतवाली पोलीस ठाण्यात गुन्हा दाखल करण्यात आला आहे.

याविषयी विस्तृत माहिती अशी की, नंदकुमार सिसोदे हे स्वतः पोलीस दलात कार्यरत आहे त्यांच्या पत्नी अनुराधा सिसोदे या उपकोषागार अधिकारी म्हणून शासकीय सेवेत होत्या. या दोघांना एक मुलगा आणि एक मुलगी अशी दोन अपत्य आहेत. मुलगा आणि मुलगी या दोघांनाही त्यांनी शिकवून डॉक्टर बनवले. हे कुटुंब उच्च विद्याविभूषित आणि आर्थिक संपन्न आहे.

नंदकुमार सिसोदे यांनी आपल्या मुलाचे लग्न एप्रिल 2025 मध्ये दैठणा येथील मुलीसोबत लावून दिले. लग्नानंतर सुनबाई सुषमा सिसोदे ही काही दिवस चांगली राहिली, पण त्यानंतर मात्र मलाही नोकरी करायची आहे, असा तगादा आपल्या पतीसह सासू-सासऱ्यांकडे लावू लागली.

घरात सर्वजण नोकरी करणारे आहेत, त्यामुळे तुला नोकरी करण्याची काय गरज आहे, असे सांगून तिला समजावण्याचा प्रयत्न करण्यात आला. पण सून सुषमा मात्र, मी का फक्त तुमच्या घरात बसू, मी तुमच्या घरातील वॉचमन आहे का असे म्हणून भांडू लागली. सासू-सासर्‍याचे सुषमा ऐकत नसल्याने त्यांनी जवळच्या नातेवाईकांना बोलावून घेतले. आणि नातेवाईकांनी देखील सुषमाची समजूत काढण्याचा प्रयत्न केला.
Nashik News : पुण्यात मैत्रिणीशी समलिंगी विवाह, लपवून तरुणाशीही लग्न, बाथरुममधील विवस्त्र व्हिडिओ कॉल समोर आला अन्…
पण सुषमा मात्र आपली आई गंगुबाई कचवे या सांगतील तसंच करत होती. सुषमाने कोणाचंच ऐकलं, नाही उलट सासूलाच त्रास देण्यास सुरुवात केली. त्यामुळे सासू अनुराधा सिसोदे या मानसिकदृष्ट्या प्रचंड खचल्या. आपल्या घरात काहीही कमी नाही, पैसा कमी नाही, पण सूनबाईच्या वागण्यामुळे घरातले वातावरण बिघडत चालल्याने त्यांना ते सहन होत नव्हते. आणि सून सुषमा मात्र आपला हट्ट कायम ठेवून सर्वांनाच वेठीस धरत होती.

अखेर सासू अनुराधा सिसोदे यांनी या सर्व प्रकाराला कंटाळून 19 सप्टेंबर रोजी घरातच गळफास घेऊन आत्महत्या केली. मयत अनुराधा सिसोदे यांच्याजवळ मृत्यूपूर्वी लिहिलेली चिठ्ठी देखील आढळून आली आहे. या चिठ्ठीत सून आणि तिच्या आईचा उल्लेख असल्याची माहिती मिळत आहे.
Pune Crime : लग्नाच्या सहा महिन्यातच बायको-सासूचा त्रास, पुण्यात तरुणाने आयुष्य संपवलं, 24 वर्षीय विवाहितेवर गुन्हा
आत्महत्येस प्रवृत्त केल्याप्रकरणी सून सुषमा शिसोदे आणि तिची आई गंगुबाई अंबादास कच्छवे यांच्यावर परभणीच्या कोतवाली पोलीस ठाण्यामध्ये गुन्हा दाखल करण्यात आला आहे. एकीकडे राज्यभर सासरच्या जाचास कंटाळून आपली जीवन यात्रा संपविणाऱ्या मुलींचे प्रमाण मोठ्या प्रमाणावर वाढत असताना दुसरीकडे मात्र सुनेच्या त्रासाला कंटाळून सासूने आत्महत्या केल्याचे देखील आता समोर आले आहे.