शरद पवार यांच्या राष्ट्रवादीच्या पुण्यातील वडगाव शेरी विधानसभा मतदारसंघात असणाऱ्या आमदार बापूसाहेब पठारे यांचे पुत्र सुरेंद्र पठारे हे भाजपच्या संपर्कात असून ते लवकरच भारतीय जनता पक्षात प्रवेश करणार असल्याच्या चर्चा सुरू आहेत. यासंदर्भात सुरेंद्र पठारे यांची भाजपच्या पुण्यातील बड्या नेत्यांसोबत विमान नगर परिसरातील एका पंचतारांकित हॉटेलमध्ये बैठक पार पडल्याचे सुद्धा माहिती आहे. या बैठकीनंतर पुण्याचे भाजपचे बडे पदाधिकारी हे आपल्या इच्छुकांना सुरेंद्र पठारे हे तुमचे पॅनल प्रमुख असतील त्यामुळे त्यांच्या भेटी घ्या असं खासगीत सांगत असल्याची माहिती आहे.
Avinash Soundalkar : राज साहेब बडतर्फ करतील स्वप्नातही वाटलं नाही, मनसे नेत्याची खंत; एक स्वप्न अर्धवट, यापुढे भेटेन तेव्हा…
प्रभाग क्रमांक 2,3,4 मध्ये जर त्यांच्या जवळच्या पदाधिकाऱ्यांना भाजपने उमेदवारी दिली तरच पठारे प्रवेश करणार सांगितलं जात आहे. मात्र पठारे यांनी भाजपच्या शहरातील काही ‘कारभारी’ असणाऱ्या नेत्यांची नुकतीच भेट घेतल्यामुळे या चर्चा अधिकचं चवीने चर्चिल्या जात आहेत. यासंदर्भात सुरेंद्र पठारे यांनी प्रतिक्रिया सुद्धा दिली आहे.

मी भारतीय जनता पक्षात प्रवेश करणार यासंदर्भातल्या चर्चा गेल्या काही दिवसांपासून सुरू आहेत. याआधी मी 1 तारखेला भाजपमध्ये प्रवेश करणार अशा चर्चा काही लोक करत होते. त्यानंतर 4 तारखेला माझा प्रवेश होईल अशाही चर्चा केल्या हे दोन मुहूर्त हुलक्यानंतर आता 22 तारखेला माझा प्रवेश होणार होता असं सुद्धा बोलले गेले. मात्र प्रवेश करायचा असेल तर मला घेऊनच होईल ना? पण मलाच माझ्या प्रवेशाची कल्पना नाही या केवळ वावड्या आहेत. असं सुरेंद्र पठारे यांनी महाराष्ट्र टाइम्स ऑनलाइनशी बोलताना स्पष्ट केले आहे. त्यामुळे एकीकडे आमदार पुत्राच्या भाजप प्रवेशाच्या चर्चा सुरू असताना पठारे यांनी मात्र या सर्व चर्चा फेटाळल्या आहेत.
Maharashtra Politics : ठाकरे बंधूंच्या युतीला दुसरा धक्का, भाजपही पराभूत; तीन पक्षांच्या अपूर्व युतीसमोर शिंदे पुरुन उरले
दरम्यान, विधानसभा निवडणुकीपूर्वी आमदार बापूसाहेब पठारे यांनी भारतीय जनता पक्षाची साथ सोडून शरद पवार यांच्या राष्ट्रवादीमध्ये प्रवेश केला होता. राष्ट्रवादीत प्रवेश केल्यानंतर त्यांनी वडगाव शेरी विधानसभा मतदारसंघातून तिकीट मिळून अजित पवार यांच्या राष्ट्रवादीचे तत्कालीन आमदार सुनील टिंगरे यांच्या विरोधात निवडणूक सुद्धा लढवली. या निवडणुकीमध्ये पठारे यांनी सुनील टिंगरे यांचा पराभव केला होता. त्यामुळे पुणे शहरात राष्ट्रवादी काँग्रेस ( शरदचंद्र पवार ) पक्षाचे ते एकमेव आमदार आहेत. एकीकडे शहरात शरद पवार यांचा राष्ट्रवादीचे एकमेव आमदार असणारे बापूसाहेब पठारे यांची भाजपशी जवळीक आहेच तर दुसरीकडे पठारे हे वेळोवेळी अजित पवारांच्या मंचावर सुद्धा दिसून येतात. त्यामुळे महायुतीमध्ये सर्वांशी मैत्रीपूर्ण संबंध असणाऱ्या पठारे कुटुंबातील सदस्यांनी जर भाजप मध्ये प्रवेश केला तर नवल वाटणार नाही हे मात्र नक्की.