Renuka Devi Mahur Navratri 2025 : माहूरगडावर नवरात्री महोत्सवाला आजपासून सुरुवात, भक्तिभावाने उजळला श्री रेणुका मातेचं मंदिर

साडेतीन शक्तीपीठांपैकी एक पूर्ण पीठ असलेल्या माहूर गडावरील श्री रेणुका माता मंदिरात आजपासून शारदीय नवरात्र महोत्सवाला सुरुवात झाली आहे. सोमवार २२ सप्टेंबर रोजी सकाळी वैदिक महापूजा घटस्थापना, देवीचे अभिषेक, दुर्गा सप्तशती पारायण, होम-हवन, देवहोम आदी विधींनी सुरुवात करण्यात आली. नऊ दिवस रोज सकाळी महाअभिषेक, वेदपठण, दुर्गा सप्तशती पारायण व संध्याकाळी महाआरतीसह भाविकांसाठी भजन, कीर्तन, प्रवचन, जागरण या धार्मिक कार्यक्रम असणार आहेत. पहिल्या दिवशी दर्शनासाठी भाविकानी मोठी गर्दी केली असून सकाळ पासून रांगा लागल्या आहेत.