रुपशे दशरथ करवते, असं या मृत युवकाचे नाव असून, तो मेहकर तालुक्यातील डोणगावचा रहिवासी होता. व्हिडिओ एडिटर म्हणून काम करायचा. 21 सप्टेंबरच्या रात्री नऊ वाजेच्या सुमारास तो डोणगाव येथून अकोला जिल्ह्यातील नवेगाव येथे पत्नीला भेटण्याकरिता दुचाकीने निघाला होता, अशी माहिती आहे.
Navi Mumbai: भरदिवसा थेट घरात घुसून अल्पवयीन मुलीला संपवलं; भयंकर कारण समोर, नवी मुंबई हादरलं
मेहकर तालुक्यातील विठ्ठलवाडी येथे हा दुर्दैवी अपघात झाला असून रुपेश दशरथ करवतेचा या अपघातात मृत्यू झाला. रुपेश हा मेहकरवरून अकोल्याच्या दिशेने निघाला असताना हा अपघात झाल्याची माहिती आहे. पोलिसांकडून मिळालेल्या माहितीनुसार, रुपेश करवते हा शनिवारी 20 सप्टेंबर रोजी रात्री साडेनऊच्या सुमारास आपल्या दुचाकीवरून सासुरवाडीकडे जाण्यासाठी निघाला होता. त्याची पत्नी गर्भवती असून ती सासरी होती, त्यामुळे हो पत्नीला भेटण्यासाठी तो निघाला होता. मात्र, विठ्ठलवाडी परिसरात अचानक समोर आलेल्या अज्ञात वाहनाने त्याच्या दुचाकीला जोरदार धडक दिली. यामुळे दुचाकीवरील त्याचा तोल गेला आणि तो पडून गंभीर जखमी झाला. या अपघातात गंभीर जखमी झाल्याने त्याचा घटनास्थळीच मृत्यू झाला.

घटनेची माहिती मिळताच परिसरातील नागरिकांनी पोलिसांना कळवले. अपघातानंतर संबंधित वाहन चालकाने पलायन केल्याची माहिती मिळाली आहे. पोलिसांनी मृतदेह पंचनामा करून शवविच्छेदनासाठी ग्रामीण रुग्णालयात पाठवला. अपघातातील दुचाकीची स्थितीही गंभीर स्वरूपात आढळून आली.

नवीन संसार सुरू करून पत्नीच्या मातृत्वाच्या आनंदात सामील होण्यासाठी तो निघाला होता. मात्र, अचानक झालेल्या या दुर्घटनेने कुटुंबीयांवर मोठा दु:खाचा डोंगर कोसळला आहे. गावातील नागरिकांनीही युवकाच्या मृत्यूबद्दल हळहळ व्यक्त केली आहे. पोलिस या प्रकरणी अज्ञात वाहन आणि चालकाच्या शोधासाठी तपास सुरू करत असून, अज्ञात आरोपीविरुद्ध गुन्हा दाखल करण्याची कारवाई सुरू आहे.