Pune Court Woman Vs Mother in Law : घरगुती भांडणातून सुनेने पती आणि सासू यांना घराबाहेर काढत आपल्या मालकी हक्काचा बंगला बळकावल्याचा आरोप सासूने केला आहे
प्रथमवर्ग न्यायदंडाधिकारी वाय. एस. कवडे यांनी हा आदेश दिला. याशिवाय सून राहात असलेल्या बंगल्यात सासू व पतीचे कपडे व इतर वस्तू कशा हस्तांतरित केल्या जातील, याचे नियोजन सादर करण्याच्या सूचना दोन्ही पक्षांना दिल्या.
या प्रकरणी सासूने सुनेच्या कथित शारीरिक-मानसिक छळाविरोधात न्यायालयात दावा दाखल केला आहे. घरगुती भांडणातून सुनेने पती व सासूला घराबाहेर काढून आपल्या मालकी हक्काचा बंगला बळकावला, असा सासूचा आरोप आहे. कौटुंबिक हिंसाचारापासून महिलांचे संरक्षण कायद्याच्या कलम १९ (३) अंतर्गत या बंगल्यात सुरक्षित वास्तव्याचा अधिकार मिळावा, सुनेने आपल्याला घराबाहेर काढण्यास, घराच्या दोनशे मीटर परिसरात येण्यास मनाई करावी; कलम १८ (अ) व (ड) नुसार, सुनेने प्रत्यक्ष अथवा फोनवरून धमक्या देऊ नये, यासाठी प्रतिबंध करावा, अशी मागणी सासूने केली.
Ladki Bahin : सरकारचा लाडक्या बहिणींना झटका, वय चोरणाऱ्या महिलांचा पत्ता कट, एकाच घरातील तीन लाभार्थींवर तर…
त्यावरील सुनावणी प्रलंबित असतानाच, सासूने कुटुंबाचे देवाचे टाक व मूर्ती मिळण्याकरिता न्यायालयात अर्ज केला होता. अॅड. जान्हवी भोसले आणि अॅड. भालचंद्र धापटे यांनी सासूची बाजू मांडली. त्यावर, सासूबाईंनी घरी येऊन घटस्थापना करावी, असा युक्तिवाद सुनेच्या वकिलांनी केला. मात्र, सासू मागील चाळीस वर्षांपासून परंपरागत देवाचे टाक व मूर्ती पूजत असल्याचे अॅड. जान्हवी भोसले यांनी न्यायालयाच्या निदर्शनास आणून दिले. त्यांचा युक्तिवाद ग्राह्य धरत न्यायालयाने देवाचे टाक व मूर्ती सासूला तात्पुरत्या स्वरुपात देण्याचा आदेश दिला.
iPhone १७ साठी उत्सुकता, सॅफ्राॅन रंगाची तरुणाईमध्ये क्रेझ; ६-७ तासांपासून पुण्यात ग्राहकांची गर्दी
दहा दिवसांत अर्ज निकाली
घटस्थापनेच्या पूजेसाठी देवाचे टाक व मूर्ती मिळण्याकरिता सासूने १० सप्टेंबर रोजी न्यायालयाकडे अर्ज केला होता. त्यावर तीन तारखांना सुनावणी घेत न्यायालयाने अवघ्या दहा दिवसांत हा अर्ज निकाली काढला.Nashik News : पुण्यात मैत्रिणीशी समलिंगी विवाह, लपवून तरुणाशीही लग्न, बाथरुममधील विवस्त्र व्हिडिओ कॉल समोर आला अन्…
सुनेने पती व सासूला त्रास देऊन बंगल्याबाहेर काढले. मात्र, कुटुंबाचे देवाचे टाक व मूर्ती बंगल्यात असून, त्या मिळण्यासाठी सासूने अर्ज केला होता. सासू मागील चाळीस वर्षांपासून घटस्थापना करत असून, देवाची पूजा करत आहेत. यंदाही त्यांना घटस्थापनेच्या पार्श्वभूमीवर देवाचे टाक व मूर्तीची पूजा करायची आहे, असे न्यायालयाच्या निदर्शनास आणून दिले. न्यायालयाने दोन्ही बाजूंचा युक्तिवाद ऐकून घेत सासूचा अर्ज मंजूर केला.
– ॲड. जान्हवी भोसले, सासूच्या वकील
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा