नेमके काय घडलं?

उगलेचा आतेभाऊ यशवंत तिडके हा त्यांच्या घरी नेहमी येत होता, त्यादरम्यान शेजारील प्राजक्ता सरोदेशी त्याची ओळख झाली. त्यांनी २० जानेवारीला आंतरजातीय प्रेमविवाह केला. दोन महिन्यांपूर्वी प्राजक्ताचे वडील सुरेश यांचे निधन झाले. तिडके व प्राजक्ताच्या विवाहात यशवंतचा मामेभाऊ मंगेशने मध्यस्ती केली होती. या विवाहामुळे सुरेश यांचे निधन झाल्याचा प्राजक्तांच्या नातलगांचा समज आहे. त्यातच विवाहाच्या चार दिवसांनी प्राजक्ता पतीपासून स्वतंत्र राहून माहेरी वास्तव्यास आली. त्यामुळे यशवंतने जिल्हा न्यायालयात पत्नी नांदण्यासाठी दावा दाखल केला. गुरुवारी (दि. १८) ओझर येथून यशवंत नाशिक न्यायालयात पोहोचला.
भाविकांसाठी आनंदाची बातमी! नवरात्रीत सप्तश्रृंग गडावर धावणार 320 जादा ST बसेस, कसे असेल नियोजन?
तेव्हा दहावा मैल परिसरात यशवंत भेटला. दुपारी तीनच्या सुमारास यशवंत सुनावणीसाठी न्यायालयात गेला, तेव्हा यशवंतची पत्नी प्राजक्ता, तिचा भाऊ अक्षय सरोदे, मावस भाऊ प्रशांत मोरे, मामा शरद झाल्टे, मामेभाऊ शरद सरोदे, प्राजक्ताची आत्या यमुना लिंगायत तेथे आले. शरद सरोदे या संशयिताने मंगेशला ‘प्राजक्ताचा विवाह का लावून दिला’, अशी विचारणा करीत मारहाण केली. मंगेशने समजावण्याचा प्रयत्न केल्यावर ‘यशवंतला केस मागे घ्यायला सांग’, असा दम भरला.
उत्तर महाराष्ट्राला ‘परतीचा’ तडाखा; ५४ पैकी १६ तालुक्यांत पावसाचा कहर

‘आमच्या बाजूने साक्ष दे’

संशयित अक्षय सरोदे व प्रशांत मोरे यांनी मंगेश यांना ‘तू विवाह लावून दिलाच नाही तर, आमच्या बाजूने तशी साक्ष दे व लिहून दे’, असे सांगत सीबीएस येथील भुयारी मार्गाजवळून संशयित अॅड. कविता पाटील यांच्या कक्षात नेले. कविता यांनी स्टॅम्प पेपरवर मजकूर टाइप करून फोटो चिकटवून सही व अंगठा देण्यास सांगितले, नकार दिला असता पाटील व लिंगायत यांनी जबरीने सही करण्यास भाग पाडले. त्यानंतर कारमध्ये जबरीने बसवून झाल्टे, सरोदे, मोरे यांनी त्याचे अपहरण करीत वणीत नेल्याचे फिर्यादीत नमूद आहे.