कंपनीचे मालक कैलास गुलाबचंद अग्रवाल (रा. अग्रसेन चौक, नागपूर) व मिलिंद चंदुजी वाठकरे (वय ३४, रा. वडोदा, ता. कामठी) अशी अटकेतील आरोपींची नावे असून, दीपककुमार (रा. फिरोझाबाद, उत्तर प्रदेश) हा फरार आहे. पोलिस त्याचा शोध घेत आहेत. महामाया कंपनीत अवैध फटाके निर्मिती करण्यात येत असल्याची माहिती पोलिस अधीक्षक हर्ष पोद्दार यांना मिळाली. त्यांनी कन्हानचे उपविभागीय पोलिस अधिकारी संतोष गायकवाड यांना छापा टाकण्याचे निर्देश दिले. गायकवाड यांच्या नेतृत्वातील पथकाने शुक्रवारी कंपनीत छापा टाकला. या ठिकाणी मिलिंद हा फटाके तयार करताना आढळला. पोलिसांनी त्याला परवान्याबाबत विचारणा केली.
Vijay Wadettiwar: ओबीसींचे अनेक दाखले बोगस; विजय वडेट्टीवारांचा महायुतीच्या मंत्र्यांवर गंभीर आरोप
फटाके निर्मितीचा कोणताही परवाना नसल्याचे त्याने सांगितले. ही कंपनी अग्रवाल यांच्या मालकीची असल्याचेही त्याने सांगितले. पोलिसांनी तपासणी केली असता येथे उभ्या ट्रकमध्ये पॉपअप फटाक्यांचे बॉक्स आढळले. पोलिसांनी कंपनीत फटाके तयार करण्याचे साहित्य, मशिन, बॉक्ससह १ कोटी ७ लाख रुपये किमतीचे साहित्य जप्त केले.
‘…नाहीतर मंत्रीपदाची खुर्ची खाली करा’, अजित पवार यांचा आपल्या मंत्र्यांना सज्जड दम
दीपक हा अग्रवाल यांना फटाके निर्मितीसाठी लागणारे कामगार व अन्य साहित्याचा पुरवठा करीत असल्याचेही चौकशीत आढळले. त्यामुळे पोलिसांनी दीपक, अग्रवाल व मिलिंद या तिघांविरुद्ध स्फोटक अधिनियम, स्फोटक पदार्थ अधिनियम व भारतीय न्याय संहितेच्या विविध कलमान्वये गुन्हा दाखल करीत अग्रवाल व मिलिंद या दोघांना अटक केली. त्यांची २२ सप्टेंबरपर्यंत पोलिस कोठडी घेण्यात आली.