Solapur Crime: सोलापुरातील माहिती अधिकार कार्यकर्ता अनमोल केवटे याची लातूर-सोलापूर रोडवर हत्या करण्यात आली असून या प्रकरणी चार जणांविरुद्ध गुन्हा दाखल करण्यात आला आहे.
अनमोल केवट याच्या खून प्रकरणी दाखल करण्यात आलेल्या गुन्ह्यात चार जण सहभागी असल्याचं उघड झालं आहे. या घटनेतील आरोपी विष्णू मामडगे आणि त्याचा चुलत बंधू मंथन मामडगे हे दोघेही फरार असून पोलिस त्यांचा शोध घेत आहेत. गुन्हे शाखेचे एक आणि शिवाजीनगर पोलिस ठाण्याचे एक अशी दोन पथके आरोपींच्या शोधासाठी पाठवण्यात आली आहेत. शुभम पतंगे, वैभव स्वामी, मंथन मामडगे अशी आरोपींची नावे आहेत. शुभम पतंगे, वैभव स्वामी यांना पोलिसांनी अटक केली असून अनमोल केवटे याची हत्या का केली, खरंच गाडीला कट मारल्याचा राग होता का, याबाबत लातूर पोलीस अधिक तपास करत आहेत.
कोण होता अनमोल केवटे?
सोलापुरातील अनमोल केवटे हा भ्रष्टाचार निर्मूलन समितीसोबत माहिती अधिकार कार्यकर्ता म्हणून काम करत होता. शहरातील अनेक सरकारी कार्यालयांमध्ये शासकीय अधिकाऱ्यांच्या विरोधात आणि कर्मचाऱ्यांविरोधात त्याने तक्रार अर्ज केले होते. सोलापूर शहर आणि जिल्ह्यातील विविध शासकीय कार्यालयात माहिती अधिकार कायद्याअंतर्गत माहिती मागत भ्रष्ट अधिकाऱ्यांची त्याने गोची केली होती.
लेखकाबद्दलअक्षय शितोळेअक्षय शितोळे | २०१८ पासून डिजिटल मीडियात कार्यरत असून सध्या मटा ऑनलाइनमध्ये प्रिन्सिपल डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील रिपोर्टर्ससोबत समन्वय साधण्याचेही काम करत आहे. राजकीय बातम्यांमध्ये विशेष रस, बातम्यांमागची बातमी अर्थात घडामोडींचा विश्लेषणात्मक आढावा घेण्याचा सातत्याने प्रयत्न असतो. शेती आणि ग्रामीण जीवन हे जिव्हाळ्याचे विषय आहेत. यापूर्वी लोकमत, न्यूज १८ लोकमत आणि एबीपी माझा या संस्थांमध्येही कामाचा अनुभव असून मुंबईतील रूईया महाविद्यालयातून पत्रकारितेत पदवी प्राप्त केली आहे.… आणखी वाचा