Banegaon Zilla Parishad School Four Teachers Transferred : सोलापूर जिल्ह्यातील उत्तर सोलापुरातील बाणेगाव जिल्हा परिषद शाळेतील चारही शिक्षकांची एकाचवेळी बदली झाली. बातमी ऐकून विद्यार्थ्यांसह अख्ख्या गावाच्या डोळ्यात पाणी आलं. शिक्षकांनी शाळेच्या गेटसमोर नतमस्तक होऊन शेवटचा निरोप घेतला.
सात वर्षांपासून चार शिक्षकांचा अख्ख्या गावाला लळा
बाणेगाव येथील जिल्हा परिषद शाळेत 2018 पासून कार्यरत असलेल्या चार शिक्षकांनी विद्यार्थ्यांसोबत अख्ख्या गावाला लळा लावला होता. बदली हा अविभाज्य घटक असल्यानं सात वर्षांनंतर या चारही शिक्षकांची बदली झाली. बदली इतर ठिकाणी झाल्याने गावावर शोककळा पसरली होती. मागील सात वर्षापासून या शिक्षकांनी या शाळेमध्ये विविध उपक्रम राबवून शाळेची पटसंख्या 150 वरुन 275 पर्यंत नेली होती. वेगवेगळ्या क्रीडा स्पर्धा सांस्कृतिक स्पर्धा यांच्या माध्यमातून शाळेला भरपूर बक्षीस मिळवून दिले, विद्यार्थ्यांमध्ये गुणवत्तापूर्ण बदल घडून आणला, विविध क्रीडा स्पर्धेमध्ये यश मिळवले होते.
लोकवर्गणीतून शाळेचा चेहरामोहरा बदलला
सात वर्षापूर्वी चारही शिक्षकांनी बाणेगाव येथे रुजू झाल्याबरोबर शाळेच्या विकासाची सुरुवात झाली होती. लोकवर्गणीच्या माध्यमातून शाळेचा चेहरामोहरा अक्षरश: बदलला होता. गोरगरीब आणि शेतकऱ्यांच्या विद्यार्थ्यांशी आपुलकी निर्माण केली होती. विद्यार्थी, पालक आणि ग्रामस्थांशी वेगळंच नातं तयार केलं होतं. चारही शिक्षकांच्या बदलीनंतर संपूर्ण गाव शोक व्यक्त करत होता.
हत्येआधी अनमोल-सोनालीचा डान्स VIDEO व्हायरल
सोलापुरातील माहिती अधिकार कार्यकर्ता अनमोल केवटेची लातूर-सोलापूर रोडवर हत्या करण्यात आली होती. कारला कट मारल्याच्या कारणावरून वादविवाद झाला आणि त्यातून अनमोल केवटेचा गळा चिरून हत्या करण्यात आली. तसंच त्याच्यासोबत असलेल्या सोनाली भोसले यांच्यावर देखील धारदार शस्त्राने वार करत गंभीर जखमी करण्यात आले. अनमोल केवटे आणि सोनाली भोसले हे दोघे लातूर येथील अखिल भारतीय भ्रष्टाचार निर्मूलन समितीच्या एका कार्यक्रमासाठी गेले होते. कार्यक्रमात अनमोल आणि सोनालीने दिलखुलास आणि मनसोक्तपणे डान्स केला होता. समितीच्या कार्यक्रमात डान्स करतानाचा व्हिडिओ सोशल मीडियावर व्हायरल झाला आहे.
लेखकाबद्दलप्रशांत पाटीलप्रशांत संजय पाटील २०१९ पासून डिजिटल मीडियात कार्यरत असून सध्या मटा ऑनलाइनमध्ये सिनीयर डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील ग्रामीण भागातील बातम्या, राजकीय बातम्यांची आवड, हायपरलोकल बातम्या, क्राइम बातम्या अर्थात विशेष घडामोडींचा विश्लेषणात्मक आढावा घेण्याचा सतत प्रयत्न असतो. गावाखेड्याकडच्या बातम्या, शेतकऱ्यांचा प्रश्न, शेती आणि ग्रामीण जीवन हे जिव्हाळ्याचे विषय आहेत. यापूर्वी थोडक्यात न्यूज पोर्टल, आधान न्यूज पोर्टल, महाराष्ट्र टाइम्स डिजिटल आणि सकाळ मीडिया ग्रुप या संस्थांमध्येही कामाचा अनुभव असून पुण्यातील गरवारे महाविद्यालयातून पत्रकारितेत पदवी प्राप्त केली आहे.… आणखी वाचा