घटनेची माहिती मिळताच पोलिस घटनास्थळी दाखल झाले असून घटनेचा पंचनामा करून मृतदेह उत्तरीय तपासणीसाठी केज येथील शासकीय रुग्णालयात दाखल करण्यात आला आहे. या घटनेची माहिती मिळताच परिसरात खळबळ उडाली आहे. केज तालुक्यातील मस्साजोग येथील महावितरणच्या विद्युत केंद्रात ही घटना घडली असल्याचं सांगण्यात येत आहे.

Thane News : तू मला आवडतेस… माझ्या सोबत येतेस का?, फुल विक्रेत्या महिलेसोबत अश्लील वर्तन; बोगस पत्रकाराला जमावाने दिला चोप

सातवीतील पोरीचं लग्न लावून दिलं

बीड जिल्ह्याच्या धारूर तालुक्यात एक संतापजनक प्रकार समोर आला आहे. अल्पवयीन मुलीचे तिच्या आई आणि नातेवाईकांनी लग्न लावून दिलं आणि नंतर सदर मुलीच्या आईनेच आपल्या जावयासोबत अनैतिक संबंध ठेवल्याचं उघड झालं आहे. सातवीत शिक्षण घेत असताना माझ्या मनाविरुद्ध आई आणि नातेवाईकांनी विवाह लावून दिल्याची तक्रार पीडित मुलीने धारूर पोलिस ठाण्यात दाखल केली आहे. लग्न झाल्यापासून तिला शारीरिक व मानसिक त्रास दिला जात असल्याचा आरोप तिने पोलीस ठाण्यात दिलेल्या फिर्यादीत केला आहे.

Nagpur Crime : महिला मैत्रिणीसोबत बोलताना तरुणांनी अडवलं, ‘तिच्याशी का बोलतो’ विचारत पोटात वार; प्रेमाच्या त्रिकोणातून तरुणाला संपवलं

मिळालेल्या माहितीनुसार, फिर्यादी अल्पवयीन मुलगी आणि तिच्या दोन लहान बहिणी आईसोबत राहत होत्या. त्यांचे वडील 2016 मध्ये घर सोडून गेले होते. त्यानंतर 2017 मध्ये ही मुलगी सातवी इयत्तेत असताना तिच्या आईने गावातील एका तरुणासोबत तिचे लग्न धारूरमधील एका मंदिरात लावून दिलं. या लग्नाला मुलीचा विरोध होता, लग्नाला आपली इच्छा नसतानाही आई, सासू, मावशी, चुलत दीर, चुलत सासरा आणि चुलत सासू यांनी लग्न लावले, असे फिर्यादीत सांगण्यात आलं आहे.