Pune Minor Boy Assault : पैशांचे आमिष दाखवून अत्याचार करण्याचा प्रयत्न केल्यावर मुलाने विरोध केला असता, आरोपी तरुणाने त्याला जीवे मारण्याची धमकी दिली
पीडित मुलाच्या आईने पोलिसांकडे तक्रार दिल्यानंतर ही बाब प्रकाशात आली. पोलिसांनी दिलेल्या माहितीनुसार, ११ सप्टेंबरला दुपारी साडेचार वाजताच्या सुमारास पीडित मुलगा शाळा सुटल्यानंतर घरी जात होता. त्या वेळी आरोपीने त्याला अडविले. ‘खेळायला जाऊ’ असे सांगून तो मुलाला शाळेच्या परिसरातील एका झाडाजवळ घेऊन गेला.
तेथे त्याने पैशांचे आमिष दाखवून मुलावर अत्याचार करण्याचा प्रयत्न केला. मुलाने विरोध केल्यानंतर त्याला जीवे मारण्याची धमकी दिली आणि त्यानंतर अत्याचार करण्यात आल्याचे तक्रारीत नमूद आहे. पोलिस उपनिरीक्षक बालाजी सानप तपास करीत आहेत.
महिलेवर सामूहिक अत्याचार, २१ लाख लुटले, चौघांना अटक
दुसरीकडे, नागपूरमध्ये नोकरीच्या आमिषाने ४७ वर्षीय महिलेची फसवणूक करण्यासह तिच्यावर धावत्या वाहनात सामूहिक अत्याचार केल्याप्रकरणी पोलिसांनी चार जणांना अटक केली आहे. धावत्या वाहनात अत्याचार करण्यापूर्वी तिच्याकडून २१ लाख रुपयेही आरोपींनी लुटले. याप्रकरणी जरीपटका पोलिसांनी वाहने आणि मोबाइल फोनसह अन्य साहित्य जप्त केले आहे.
Love Swap : अशी ही अदलाबदली! दोन मुलांचा बाप ‘बायकोच्या बहिणी’सोबत पळाला; चिडलेला ‘बायकोचा भाऊ’ ताईच्या नणंदेसोबत गुल
४७ वर्षीय पीडितेने दिलेल्या तक्रारीनुसार, ती छोटा व्यवसाय चालवते. आरोपींनी नोकरीचे आश्वासन देणाऱ्या बनावट जाहिरातीद्वारे तिच्याशी संपर्क साधला. १० सप्टेंबर रोजी संध्याकाळी ७.४५ वाजताच्या सुमारास त्यांनी तिला जरीपटका-मानेवाडा रस्त्यावरील किंग्सवे कॉलेजजवळील श्री गणेश व्हिजन अपार्टमेंटजवळ काळ्या रंगाच्या मारुती स्विफ्ट (एमपी १४ एमबी ५७९८) मध्ये बसविले.
स्वारगेट आगारात मंत्री सरनाईकांची धडक भेट; अधिकाऱ्यांना झापलं, कर्मचाऱ्यांची कैफियत ऐकली
त्यानंतर जेफ्री फ्रँकलिन लुईस (वय ४०), प्रदीप लालिन जेम्स (वय ३२) आणि त्यांच्या सहा साथीदारांनी तिच्याकडून २१ लाख रुपये रोख लुटले. तसेच धावत्या कारमध्ये तिच्यावर लैंगिक अत्याचार केले. महिलेला जीवे मारण्याची धमकी देऊन रस्त्याच्या कडेला फेकून देण्यात आले.Pune News : आईचं कॅन्सरने निधन, मुलाचं पालकत्व वडिलांऐवजी मामाकडे, पुणे कोर्टाने माऊलीची अखेरची इच्छा मानली, कारण ठरलं…
मार्गाने जाणाऱ्यांच्या मदतीने तिला उपचारासाठी रुग्णालयात दाखल करण्यात आले. याप्रकरणी जरीपटका पोलिसांत सामूहिक बलात्कार आणि फसवणुकीचा गुन्हा दाखल करण्यात आला. ११ सप्टेंबर रोजी सकाळी साडेपाच वाजता दिलेल्या तिच्या तक्रारीवर कारवाई करीत जरीपटका पोलिसांच्या विशेष पथकाने तातडीने कारवाई करीत आरोपींना अटक केली.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा