६५ वर्षांहून अधिक वयोगटातील महिला अपात्र

मराठवाड्यातील ८ जिल्ह्यातील मिळून ६५ वर्षांवरील १ लाख ३३ हजार लाडक्या बहिणींचे अर्ज तपासण्यात आले. यापैकी ४० हजार महिलांचे अर्ज अपात्र करण्याचं सांगण्यात आलं आहे. या ६५ वर्षांवरील महिलांनी खोटे अर्ज देत, खोटी कागदपत्र तयार करुन अपात्र असूनही लाडकी बहीण योजनेचा लाभ घेतला. त्याशिवाय २१ वर्षांखालील महिलांनीही या योजनेचा लाभ घेतल्याचं या सर्व्हेतून समोर आलं आहे.
Ladki Bahin Yojana : लाडक्या बहिणींना ऑगस्ट महिन्याचे पैसे कधी मिळणार? हफ्त्याच्या वितरणासंदर्भात मोठी अपडेट समोर

एकाच कुटुंबातील एकाहून अधिक महिला लाभार्थी अपात्र

एकाच घरात दोन लाभार्थी असलेले ४ लाख ९ हजार अर्ज तपासण्यात आले. या पडताळणीत एकाच कुटुंबातील दोन किंवा त्यापेक्षा अधिक महिलांनी योजनेचा लाभ घेतल्याचं समोर आलं. त्यापैकी ८४ हजार महिला अपात्र ठरल्या आहेत. ६ ते ७ लाख अंगणवाडी सेविकांना यासाठी सर्वेक्षण करण्याचं सांगण्यात आलं होतं. एकाच घरातील दोनपेक्षा अधिक महिलांनी लाभ घेतला असल्यास त्याची माहिती रेशन कार्डद्वारेही मिळवण्यात आली आहे. लाडकी बहीण योजनेसाठी रेशन कार्ड हा पुरावा ग्राह्य धरला गेला होता. रेशन कार्डद्वारे एकाच कुटुंबातील महिलांनी योजनेचा लाभ घेतल्याचं समोर आलं. मागील जवळपास महिनाभरापासून अंगणवाडी सेविकांनी केलेल्या सर्व्हेतून ८४ हजार अपात्र महिलांची माहिती समोर आली आहे.

ज्या महिलांना पैसे आले नाही, त्या महिला लाडकी बहीण योजनेच्या कक्षात दाखल होत आहेत. पैसे का आले नाहीत असं महिलांनी सांगितल्यानंतर त्यांची कागदपत्र तपासली जात आहेत. योजनेतून वगळल्याची कोणतीही माहिती महिलांना देण्यात आलेली नाही, असं महिलांनी सांगितलं आहे. महत्त्वाची बाब म्हणजे आयटीआर अर्थात इनकम टॅक्स रिटर्न फाइल करणाऱ्या महिलांनीही या लाडकी बहीण योजनेचा लाभ घेतला असल्याचं अधिकाऱ्यांच्या पडताळणीत समोर आलं आहे. महिला व बालकल्याण अधिकाऱ्यांनी मराठवाड्यातील हा सर्व्हे शासनाकडे पाठवला आहे.