शनिवारी नाशिकमध्ये घडलेल्या या घटनेत संतोष उर्फ छोटू काळे, वय 38, रा. लेखानगर, याचा दगडाने ठेचून निर्घृण खून करण्यात आला होता. या प्रकरणी इंदिरानगर पोलिसांनी मृताची पत्नी पार्वती काळे, 30, तिचा प्रियकर प्रफुल्ल कांबळे, 36, योगेश बाळासाहेब जाधव, 23, तसेच एका अल्पवयीन तरुणाला अटक करण्यात आली आहे. या संशयितांना रविवारी न्यायालयात हजर करण्यात आले असता न्यायालयाने तिघा संशयितांना 17 सप्टेंबरपर्यंत तीन दिवसांची पोलिस कोठडी सुनावली. त्यातील अल्पवयीनाची बालसुधारगृहात रवानगी करण्यात आली.

पोलिसांनी दिलेल्या माहितीनुसार, पार्वती काळे हिचे प्रफुल्ल कांबळे याच्याशी अनैतिक संबंध होते. त्यावरून पती-पत्नीमध्ये वारंवार वाद होत होते. घटनेच्या दोन दिवस आधीच संतोष व पार्वतीमध्ये तीव्र भांडण झाले होते. त्यामुळे संतोषचा अडथळा कायमचा दूर करण्याच्या उद्देशाने पार्वती व प्रफुल्ल यांनी कट रचला. त्यात योगेश जाधव व एका अल्पवयीन मुलानेही साथ दिली.
शीsss काय घाणेरडे फोटो पाठवलेस, माझ्या नवऱ्याने पाहिलं ना; ‘मालिनी’चा बनाव, मुंबईकर तरुणाला 1 कोटी 73 लाखांना लुबाडलं, आरोपी निघाली बायकोच
शुक्रवारी रात्री संतोष घरी न परतल्याने त्याचा शोध सुरू झाला. आणि अखेर शनिवारी सकाळी त्याचा मृतदेह नाशिक-मुंबई महामार्गावरील गरवारे बस थांब्याजवळ सापडला.

त्याच्या डोक्यात दगडाने मारहाण करून खून करण्यात आला होता. या घटनेनंतर संतोषचे वडील अशोक काळे यांनी तक्रार दिल्यावर इंदिरानगर पोलिसांनी तत्काळ गुन्हा दाखल केला. संशयितांच्या अटकेनंतर रविवारी त्यांना न्यायालयात हजर केले असता पुढील तपासासाठी 17 सप्टेंबरपर्यंत पोलिस कोठडी सुनावण्यात आली. इंदिरानगर पोलिस या प्रकरणाचा तपास करीत आहेत.
Navjot Singh : महिलेचं BMW वरील नियंत्रण सुटलं, वित्त मंत्रालयातील उपसचिवाचा मृत्यू, शेवटचा व्हिडिओ समोर, 22 किमी दूर…

अभियंत्याचा मृतदेह आढळला नदीत

दुसरीकडे, सांगलीतील जत पंचायत समितीकडील शाखा अभियंत्याचा मृतदेह शनिवारी सांगलीत कृष्णा नदीवरील नव्या पुलाजवळ आढळून आल्याने खळबळ उडाली. अवधूत अशोक वडार, वय 27 वर्ष, रा. इस्लामपूर, असे त्याचे नाव आहे. त्याचा पाण्यात बुडून मृत्यू झाल्याचे उत्तरीय तपासणीत समोर आले. वडारच्या नातेवाइकांनी शासकीय रुग्णालयात आल्यानंतर एका राजकीय पदाधिकाऱ्याचा स्वीय सहायक व पंचायत समितीतील अधिकाऱ्यांवर गुन्हा दाखल करण्याची मागणी केली आहे.