नेमकं प्रकरण काय?

आरोपी रत्नदीप सुभाष सोनकांबळे (रा. मीननगर, उमरगा, जि. धाराशिव) याने त्याची पैशाची बॅग अज्ञातांनी हिसकावून नेल्याची तक्रार येथील शिवाजी नगर पोलीस ठाण्यात दिली होती. त्यावरून अज्ञात आरोपीविरोधात गुन्हा दाखल करण्यात आला होता. रक्कम मोठी असल्याने पोलिसांनी तपासाची चक्रे गतीने फिरवण्यास सुरुवात केली. यासाठी शिवाजीनगर पोलिसांसह स्थानिक गुन्हे शाखेच्या पथकांची नियुक्ती करण्यात आली. पोलीस तपास करत असताना फिर्यादीकडून माहिती घेत होते. त्यावेळी त्याच्यावरच पोलिसांना संशय येऊ लागला. तरीही पोलिसांकडून संशयित आरोपी अल्ताफ अमीन बडगिरे (रा. बलसूर, ता. उमरगा, जि. धाराशिव) याला लातूरच्या दयानंद गेटजवळून ताब्यात घेण्यात आले.
Latur News : कॉलेजमध्ये प्रेम, लॉजमध्ये शरीरसंबंधही ठेवले, पण प्रियकराने नंतर केला भयंकर प्रकार; लातूरमध्ये खळबळ
त्याची अधिक चौकशी केली असता आरोपी रत्नदीपच्या मित्राने पाठवलेले ९ लाख ५० हजार रुपये मिळालेच नाहीत, असे सांगून ते हडपण्याचा चौघांचा डाव असल्याचे आरोपी अल्ताफ बडगिरे याने पोलिसांना सांगितले. हा प्लॅन आरोपी लातूर येथील आरोपी विजय गायकवाड व सूरज कदम यांच्या सांगण्यावरून रचण्यात आल्याचे उघड झाले आहे.
Latur News : हे सरकार प्रमाणपत्र देत नाही, मी जीवन संपवतोय… चिठ्ठी लिहित वडिलांचं टोकाचं पाऊल; गावावर शोककळा
पोलिसांनी फिर्यादी असलेल्या आरोपी रत्नदीप सोनकांबळे याला ताब्यात घेऊन पैसे कुठे ठेवले आहेत, असे विचारले असता त्या दोघांनी सदर साडे नऊ लाख रुपयांची रक्कम एका हॉटेलच्या खोलीत ठेवल्याचे सांगितले. पोलिसांनी सदर रक्कम ताब्यात घेऊन जप्त केली आहे. चार आरोपींविरोधात गुन्हा दाखल करण्यात आला आहे. पोलीस अधिक तपास करत आहेत.

ही कामगिरी पोलीस अधीक्षक अमोल तांबे, अपर पोलीस अधीक्षक मंगेश चव्हाण, स्थानिक गुन्हे शाखेचे पोलीस निरीक्षक सुधाकर बावकर यांच्या नेतृत्वातील सहायक पोलीस निरीक्षक सदानंद भुजबळ, सहायक फौजदार सर्जेराव जगताप, अंमलदार राजेश कंचे, युवराज गिरी, मोहन सुरवसे, संतोष खांडेकर, मुन्ना मदने, जमीर शेख, गणेश साठे, व्यंकट निटुरे, शैलेश सुडे, हरी पतंगे, शिवाजी नगर पोलीस ठाण्याचे अंमलदार बालाजी कोतवाड, रणजित शिंदे, काकासाहेब बोचरे यांनी बजावली.